Isaias 16
16
E llene katar o Moab gurudon ando Juda
1Bichalen bakre kai o gazda e phuviako,
katar o b pusto llik kai o burdo
katar e chei katar o Sion.#2 R 3.4.
2Ta sargo iek chirikli kai nasel daratar
katar po kuibo, gia ka aven e chea katar o Moab
pe paia katar o Arnon.
3Chide e llenen ta chin iek kris.
Ollivesea thov chi senka te avel sargo e riat
ta guruv e llenen kai inai len phuv
na golen kai inai len kai te zivin.
4Te zivin tuia me llene kai inai len phuv,
¡Ioi Moab! te ave tu o than kai te gurudon
katar gua kai zatril,
soke gua kai dukhavel ka merel,
ta gua kai zatril ka avel leko son,
soke o silno ka ni ka avel ios phuv.
5Ta o trono ka avel thodo ande zalba,
ta kote ka besel ta ka avel zuralo
ande cher e Davideko,
gua kai ka krisil ta ka rodel e kris
ta ka sigarel te avel o chachipe.
6Asundam o baripe katar o Moab,
but baro si leko baripe ta sar istardol,
a leko kojaipe ni ka avel le zor.
7Goleke o Moab ka kukil,
sa o foro ka rovel,
ka roven surale ta ka phagon zalbatar,
pala e marrne drakhenge
kai cherena ando Kir jareset.
8Soke jaliarde e umalia katar o Jesbon
ta e drakha katar o Sibema,
e glamne llene katar e phuvia ustade lake
krangura kai reslea llik kai o Jaser, ta barile
po pusto, barile lake patra ta nakhle e mora.
9Gpleke ka rovav sargo o Jazer
pala e drakha katar o Sibema,
me ausa ka peren pe tute, ioi Jesbon ta Eleale,
soke pe so bariol pe chi phuv ta pe si chidian
ka perel o urkipe katar gola kai marenpe,
10e dragostia ta e veselia si ikande
katar e umal e lachi, ni ka llilaben pasa e drakha
ta ni ka veselinpe, o lleno kai ustavel e drak
ni ka cherel le ios, cherdem te achel o urkipe
katar o lleno kai cherel e mol.
11Goleke mo lio izdral sargo iek arpa pala Moab
ta basel pala o Kir Jares.
12Ta kana ka dikhol o Moab chinio
pe thana vazdine,
kana ka avel kai po santuario te mililpe,
ni ka mol leke niso.
13Gaia si e orba kai dia o Del katar o Moab sar kana saia gua vreme, 14a akana o Del phenel gia:
Ande trin burs, sargo e bursa katar iek lleno kai radil,
ka avel zatrime e zor katar o Moab,
ta i sa lake but llene ta gola kai ka achen
ka aven cherricha, minone ta ni ka avel len zor.
Currently Selected:
Isaias 16: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
