Isaias 11
11
Iek lleno katar e vicha e Joseeki anel iek charoina ande pas ta o chachipe
1Katar gua kas e Joseeko likel iek patrin zeleni,
iek patrin likel katar leke zile.#1 S 16.1-20; Apo 5.5; 22.16.
2Ka achel pe lete o duo e Devleko,
o duo ka del le bizaipe ta llanglipe,
ka cherel le te del orbe kai sikaven
ta kai den zor, o duo ka cherel le
te avel bizai ta te del liubao e Devle.
3Leki dragostia ka avel ando liubao karing o Del.
Ni ka chinel kris prema so dikhel
ta ni ka jalpe pala so asunel,
4vou ka chinel kris e llenenge kai si chorre
ta ka jalpe pala e llene proste katar e phuv,
leki orba ka avel iek kas kai ka dukhavel e phuvia
ta o duo katar leki orba ka mundarel e bilachen.#2 Ts 2.8.
5Ta o chachipe ta so si orta
ka aven sargo iek kavisi pe leko maskar.#Ef 6.14.
6O ruv ka zivil e bakrea ta o liono makhlo
ka inzol e busnurrea, o telcho ta o liono
ta e zivirinia kai bariaren ando cher
ka phiren iek pasa o gua,
ta iek minono ka inllarel len.
7O guruvmi ta e melleda ka jan char,
lenge minone ka inzon iek pasa o gua,
ta o liono ta o guruv ka jan e char suki.
8O minono kai piel kolin ka chelelpe
upral po than kai zivil o sap
ta o minono kai mukla o kolin
ka thovel po va andre kote kai zivil o sap.
9Ni ka cheren o bilachipe ta ni ka dukhaven
soke pe phuv ka avel but bizaipe e Devleko
gia sar si o pai upral pe mora.#Is 65.25; Jab 2.14.
10Kana ka avel gua llive,
e phuvia ka llan te roden e zila katar o Isai,
ta ka avel thodi sargo iek bariako e phuvienge,
ka roden la e llene ta lako than ka avel glamno.#Ro 15.12.
Irinpe veselimaia gola kai sea tradine
11Kana ka avel gia llive,
o Del pale ka vazdel po va te iril pete
e llene kai achile katar leko foro
kai ka achen ande Asiria, ando Ejipto,
ando Patros, ande Etiopia, ando Elam,
ando Sinar ta ando Jamat
ta ande forura kai si pasa e mora.#Is 40—55; 43.5-7; 49.22.
12Ta ka vazdel bariako e phuvienge
ta ka chidel e llenen kai sea tradine
ta ka anel pe iek than e llenen
kai sea rispime katar o Juda
katar e star riga e phuviake.
13Ta e joli po Efrain ka llaltar
ta e dusmanura katar o Juda ka aven zatrime.
O Efrain ni ka joliaol po Juda ni o Juda po Efrain,
14ta von ka juten pe zea katar e filisteura
katar e rig kai likel o kham,
ta ka choren e llenen ande phuvia kai perel
o kham, o Edom ta o Moab ka radin lenge
ta e chave katar o Amon ka kandel len.
15Ta o Del ka sukarel e mora ando Ejipto
ta ka achel sargo iek chib,
ta ka vazdel po va ande zor katar po duo
po pai ta ka ikanel efta katar iek,
ta ka cherel te nakhen letar ande sinele.#Apo 16.12.
16Ta ka putarel drom golenge kai ka achen
katar leko foro
gola kai achile katar e Asiria,
gia sar saia le drom o Israel
kana likisto katar o Ejipto.#Ek 14.21-22.
Currently Selected:
Isaias 11: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
