Isaias 10
10
1¡Tesko golenge
kai cheren zakonura kojamne
ta kai pisin o kojaipe,
2te ikanen katar e kris e llenen chorre
ta te muken pe iek rig e llenen
kai si ande nuzda ande mo foro,
len sa katar e phivlia ta choren
e minonen bidadenge!
3¿A so ka cheren ando llive katar e duk?
Ta kana ka avel duratar e zatrania,
¿kate ka llan te pomozil len?
¿Kai ka muken po barvalipe?
4Bi murno
ka bangon lenge changa maskar e phangle
ta ka peren maskar e mule.
A sa gale ezgodenchar e Devleki joli ni achel
ta lenko va si vazdino.#Is 5.25; 9.12,17,21.
O Del dukhavel e Asiriaia
5¡Ioi Asiria! kai san e rovrli katar mi joli,
ande cho va si mi joli.
6Ka bichalav la kai iek phuv bilachi,
ka bichalav la po foro kai si mange joli,
te lel lendar so chorde ta so si len,
ta te mukel te ustaven len
sargo o glibo kai si pe droma.
7I te na mangel te cherel le gia
ta te na mislilape ande po lio te cherel le,
ande leko mislo ka mangel te ikanel
ta te zatril but phuvien.
8Soke vou phenel gia:
¿inai sa charura me glamne llene?
9¿Inai o Kalno sargo o Karkemis,
o Lamat sargo o Arfad,
ta e Samaria sargo o Damasko?
10Gia sar dobisardem e charoine katar e dela,
kai lenge slike sea mai but
neko ando Jerusalem ta e Samaria.
11Gia sar cherdem ande Samaria
ta ane lenge dela, ¿ni ka cherav isto gia
ando Jerusalem ta ande lenge dela?
12A kana ka getol sa pi buchi
po burdo katar o Sion ta ando Jerusalem,
ka dukhavel e charo katar e Asiria
soke si but baripe ande leko lio
ta istardol kana dikhel pe llene.
13Soke o charo phenda:
Ande mi zor cherdem le, te me bizaimaia,
soke sem llanglo, liem e phuvia katar e forura
ta liem lengo barvalipe ta sargo iek tromano
peradem e llenen kai gazdarina kote,
14Istardem sargo iek kuibo
o barvalipe lenge phuviengo,
sargo kana chide e arnorre kai mukle len,
gia liem mange sa e phuv
ta niko ni putarda po mui te phenel vareso.
15¿Sai mislil o tover kai si mai glamno
neko gua chinel lea?
¿O o jarni neko gua kai miskol le?
¿Sar ka inllarel e rovli e llene kai inllarel la?
¿Sar ka gazdaril iek kotor kas
e manuse kai inai kastuno?
16Goleke amaro Del kai si le sa e zor,
ka cherel te jasaren e zor e llene zurale,
ta tala leki zor ka cherel te phaol iek iag
sargo kana phabol iek plameko.
17Ta o villelo latar o Israel ka avel e iag
ta leko Santo sargo plameko
kai ande iek llive ka phabarel
lenge karrne ta lenge kasta karrnale.
18Lengo glamno vos ta lengi umal zeleni
sa ka phabol, duo ta esnaga, ta ka avel sargo
kana vazden iek chiti parrno kana jasaren.
19Ta gia cherricha kasta kai ka achen
kai iek minono sai ka llinel len.
20Ande gola llivesa ka avelpe kai
gola kai ka achen katar o Israel,
ta gola kai ka achen katar o cher e Jakoboko
nikada ios ni ka uzdinpe
ande gua kai dukhada len,
von ka uzdinpe chachimaia ando Del,
o Santo katar o Israel.
21Nesave ka irinpe, nesave katar o Jakob
ka irinpe kai o Del o zuralo.
22Ioi Israel, te si cho foro zuralo
sargo e chisai e moraki,
gola kai si leke ka irinpe,
ta e zatrania kai si chinadi
ka pherdol chachipe.
23Soke o Del kai si le sa e zor,
ka cherel e zatrania kai chinada
po maskaral katar e phuv.
24Goleke o Del kai si le sa e zor phenel gia:
Foro murno kai zivi ando Sion,
na dara katar e Asiria.
Iekhe kastea ka dukhavel tut
ta po kas ka vazdel pe tute
gia sar cherda le o Ejipto.#Jen 22.17; 32.12; Ro 9.27-28.
25A cherricha mai angle ka phagol mi joli pe tu,
ta von ka aven zatrime.
26O Del kai si le sa e zor
ka vazdel o bicho pe lete
sargo o mundaripe katar o Madian
po barr katar o Oreb, ka vazdel pi rovli
pe mora gia sar cherda po drom katar o Ejipto.#Jue 7.23-25.
27Ande gua vreme leko pharipe
ka avel ikando katar che dume,
ta i leko kas kai si pe cho soro
ta gua kas ka avel zatrime.#2 R 19.20-32.
E Asiriura llan angle
28Avilo llik kai o Aiat,
nakhlo llik kai o Migron,
ka llinel pe boñikura.
29Nakhle o pai llumbava,
racharde ando Geba, O Rama dermosailo,
o Gabaa naslo katar o Saul.
30Urkisar ando baro avazi, chei katar o Galim
cher te asundol chak ando Lais, iani Anatot.
31E Madmena izdrai,
e llene kai zivin ando Gebin nasen.
32Avel o llive kana ka besel ando Nob,
ka vazdel po va po burdo katar e chei katar o Sion,
pe umal katar o Jerusalem.
33A o Del kai si le sa e zor,
ka phagel e krangura silnomaia,
ta e kasta mai bare ka aven chinde
ta e mai bare ka achen ando lallao.
34Ta iekhe toverea
ka chinel o thulipe katar o vos
ta o Libano ka perel zurale.#Is 14.24-27; Naj 1.1—3.19; Sof 2.13-15.
Currently Selected:
Isaias 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
