Isaias 12
12
Llilabipe kai del fala
1Ande gua llive ka phene:
ka llilabav chuke Devla
soke makar jolailan pe mande
chi joli phagili ta dian man zor.
2O Del si mo braduipe
ka uzdiv man ta ni ka darav
soke mo llilabipe ta mi zor si o Del
kai si mo braduipe.#Ek 15.2; Sal 118.14.
3Ka ikanen veselimaia katar likel
o pai katar o braduipe.
4Ta ande gua llive ka phenen:
Llilaben e Devleke, blagosin leko anav,
inllaren ande forura e viasta katar so cherda,
den tumen golli kai leko anav si baro.
5Llilaben llilia e Devleke,
soke cherda ezgode glamne,
te llangliolpe pe sa e phuv.#Sal 105.1-2.
6Veselisao ta llilabe foro katar o Sion,
soke baro si maskar tu o Santo katar o Israel.
Currently Selected:
Isaias 12: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
