Esdras 5
5
Vazden pale o cher e Devleko
1O Ajeo ta o Zakarias, chavo katar o Ido sea poraukura, ta phende e judionenge katar o Juda ta katar o Jerusalem e orba kai dia len o Gazda, o Del katar o Israel. 2Ondaka o Zorobabel, chavo katar o Salatiel, ta o Jesua, chavo katar o Josadak, thodepe te radin pale te vazden o cher e Devleko ando Jerusalem, ta e poraukura e Devleke sea lenchar ta pomozina len.#Jag 1—2; Zak 1.1; 4.6-10; 6.15. 3Ande gola llivesa avilo lende o Tatnai kai gazdarila pe ogoia rig katar e len Eufrates, ta o Setar Boznai ta e llene kai avena lenchar te phenen lenge gia:
¿Ko phenda tumenge te cheren gava cher ta te vazden leke zidura? 4¿Sar ikhardon e llene kai vazden gava cher? 5A o Del arakhela e judionen kai gazdarina, ta nasti achade lengo rado lligo ni bichalde iek lil kai o Dario. Ta bichalda vou lende aver lil te phenel lenge so ka cheren.
6Ta o Tatnai kai gazdarila pe ogoia rig katar Eufrates, ta o Setar Bosnai ta e gazda kai pomozina le kai sea pe ogoia rig katar e len, bichalde kai o charo Dario iek lil. 7O lil phenela gia:
Charo Dario, te ave sasto ta bajtalo. 8Manga te llane kai ande phuv katar o Juda, o cher katar o baro Del, vazden le bare barrenchar. Ta akana thoven pe zidura kotora kastune, ta radin but zurale.
9Diam orba e llenenchar kai gazdarina ta puchlam len ko phenda lenge te vazden pale o cher e Devleko ta te cheren le kastuno avrial, 10ta sar ikhardon e llene kai gazdarin len, te pisi lenge anava ta te phena le chuke charo. 11Von phende amenge kai blagosin e Devle katar o miloso ta e phuv, ta kai vazden pale o cher kai but burs palpale vazdiaia le iek baro charo katar o Israel.#1 R 6—7. 12Ta i phende kai lenge purane joliarde e Devle katar o miloso, ta kai vou dia len kai o charo Nabukodonosor katar e Babilonia, kai saia kaldeo, ta vou saia kai perada gua cher e Devleko ta inllarda len phangle ande Babilonia.#2 R 25.8-12; 2 Kr 36.17-20; Jer 52.12-15. 13Mapalal o Siro, ando purvo burs kai saia charo ande Babilonia, phenda te vazden pale o cher e Devleko.#Esd 1.2-11.
14Ta i phende amenge kai o charo Siro ikanda katar o cher lenge delengo e ezgode sunakune ta rupune kai o Nabukodonosor liaia katar o cher e Devleko ando Jerusalem ta inllardaia len ando cher katar lenge dela ande Babilonia, ta kai diaia len kai iek lleno kai ikhardola Sesbasar, kai thodaia le gazda katar o foro. 15O Siro phenda e Sesbasareke te chidel e ezgode ta te iril len kai o cher e Devleko ando Jerusalem, ta te vazdel pale isto pe gua than o cher e Devleko. 16Ondaka o Sesbasar avilo ta thoda e barra telal katar e zidura katar o cher e Devleko ando Jerusalem, ta sar kotar vazden le pale ta nasti geton le.
17Te mangea tu charo, ka roda ande lila e charoinake ande Babilonia, te dikha dal si chache kai o charo Siro phenda te vazden pale o cher e Devleko ando Jerusalem, ta manga tutar te phene amenge so ka chere katar gaia orba.
Currently Selected:
Esdras 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
