Esdras 4
4
E dusmanura mangen te achaven o rado
1Kana e dusmanura katar o Juda ta katar o Benjamin llangle kai e llene kai irisaile katar o phandipe radina te vazden o cher katar o Del e Israeleko, 2llele kai o Zorobabel ta kai e gazda katar e familie ta phende lenge:#2 R 17.24-41.
Muken te pomozi tumen ando rado, soke i amen sargo tumen, llelam kai tumaro Del ta diam le kurbanura sar kana saia o Esar Jadon, charo katar e Asiria, kai anda amen kate.
3A o Zorobabel, o Jesua ta e gazda katar e familie katar o Israel phende lenge gia:
Nasti vazda tumenchar o cher katar amaro Del. Morabi te chera le amen korkorre e Gazdake, Del katar o Israel, soke gia phenda le o Siro, charo katar e Persia.
4Ondaka e llene katar gola phuvia cherena te daran e llene katar o Juda ta ni mukena len te radin. 5Ta pochinde nesave llenenge kai gazdarina ando foro te achaven len ande so cherena ande sa o vreme kai gazdarisarda o Siro, llik kana thoda te charoil o Dario ande Persia. 6Kana iakom charoila o Asuero, pisisarde iek lil kai dosarela e llenen kai zivina ando Juda ta ando Jerusalem. 7Ta ande llivesa kana o Artajerjes saia charo katar e Persia, o Bislam, o Mitridates, o Tabeel ta e llene kai radina lea pisisarde o lil te den le kai o Artajerjes. O lil saia pisime ando arameo, ta i ande aver chib te sai acharen so phenela. 8O Rejum, kai gazdarila pe boñikura, ta o Simsai kai pomozilale pisisarde iek lil te murin so cherena e judiura ando Jerusalem. 9Ande gua vreme pisisarda o Rejum kai gazdarila pe boñikura, o Simsai kai pomozil le, e krisaria kai radina lenchar, e gazda katar e boñikura, e llene kai radin ande Persia, ando Erek, ande Babilonia ta ande Susa, kai si e elamitura, 10ta sa ogola phuvia kai o baro ta glamno Asnapar ikanda len kotar ta thoda len ande Samaria ta ande sa e phuv kai achel pe ogoia rig katar e len Eufrates. 11Gava lil bichalde kai o Artajerjes, e sluge katar e phuv kai si pe ogoia rig katar e len Eufrates, ta o lil phenela gia:
12Glamno charo, manga te llane, kai e judiura kai avile amende ande cho anav, avile ando Jerusalem ta vazden gava foro bilacho kai ni kandel. Thodepe te vazden e zidura ta te lacharen e barra kai si telal katar e zidura. 13Ta manga te llane charo, kai te vazdie gava foro ta te vazdie leke zidura, gola llene ni ka mangen te pochinen chuke ni iek katar e love kai si te den, ta chi charoina ka jasarel love. 14Ta sar amen radi chuke charo, nasti muka te cheren tuia iek ezgoda gia ta te muken tut ando lallao. Goleke bichaldam chuke gava lil te llane so llalpe, 15te sai dikhen ande lila katar e llene purane e charoke. Ta prema so phenel ande gua lil, tu charo, ka llane kai gava foro ni kandel ta trubul te daran lendar e charura ta ogola phuvia, soke omanglal chidinaile lendar llene te marenpe, ta goleke von avile zatrime. 16Goleke, manga te llane charo, kai te vazdie pale gava foro, ta te lacharde leke zidura, ka jasare chi charoina kai si tut pe ogoia rig katar e len Eufrates.
17Ondaka o charo Artajerjes bichalda lenge aver lil kai phenela gia:
E Rejumeke kai si gazda katar e boñikura, e lleneke kai pomozil le, ta e llenenge kai radin lenchar ta kai zivin ande Samaria ta ande sa e phuv kai achel pe ogoia rig katar e len Eufrates:
Bichalav tumenge baj ta sastipe. 18Ando lil kai bichalden mange ta kai chitisarde le mange ande murni chib, 19phendem te dikhen gaia ezgoda, ta malade kai chachimaia gava foro omanglal ni kandia so phende e charura, ta chidinaile te marenpe ta te cheren burkania, 20ta kai ando Jerusalem sea charura zurale kai charoisarde ande phuv kai si pe ogoia rig katar e len Eufrates, ta pochinena lenge sa e love kai saia te den. 21Goleke, llan kai gola llene ta phenen lenge te na radin ios, ta te na vazden pale o foro lligo ni ka phenav le me. 22Cheren gaia ezgoda oma te na murilpe ios e charoina.
23Kana chitisarde o lil katar o charo Artajerjes angla o Rejum, angla o Simei kai pomozila le, ta angla e llene kai radina lenchar, saurre lleletar ando Jerusalem, ta achade pe zor e judionen kai radina. 24Ta gia achade o rado te vazden o cher e Devleko ando Jerusalem llik kai o duito burs katar o gazdaripe e Darioko, charo katar e Persia.
Currently Selected:
Esdras 4: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
