Efesios 6
6
Chavalen, chaurre ta dada
1Chaurralen, kanden tumare daden gia sar si drago e Gazdake, soke gaia si iek ezgoda chachi.#Kol 3.20. 2O purvo zakono kai del blagosipe si gava:#Ek 20.12; Dt 5.16.
De liubao che dade ta i che da, 3te sai llal chuke sukar ta te zivi but bursa pe phuv.
4Ta tumen kai sen dada, na cheren tumare chaurren te joliaon, mai sukar sikaven len ando bizaipe kai mangel o Gazda.#Kol 3.21.
Esluge ta e gazda
5Esluge, kanden e llenen kai kate pe phuv si tumare gazda. Den len liubao, cheren le postenimaia ta tumaro lio te avel chacho lenchar. Cherenle sargo kana tumen radin e Kristoke.#Kol 3.22-25. 6Radin lenge, na samo kana von dikhen pe tumende, te sai achen lache angla lende, mai sukar si te cheren le sargo sluge e Kristoke ta cheren chachimaia e volia e Devleki. 7Cheren tumaro rado vrenimaia sargo iek rado e Gazdake a na e manusenge. 8Soke morabi te llanen kai o Gazda ka del saurren prema o lachipe kai cherde ni chitilpe o sea sluge o ni sea sluge.
9Ta i tumen gazda, morabi te den liubao tumare slugen ta na te daraven len. Soke o Gazda lengo ta i tumaro si ando miloso ta angla le niko inai mai lacho iek averetar.#Dt 10.17; Kol 3.25; 4.1. 10Ta akana phlalalen, roden te zuriaon ando Gazda ta ande leki zor. 11Arakhen tumen, len e patave sastrune kai o Del dia tumen, te sai aven zurale ta te terpin kana ka avel pe tumende o kojaipe e llavoloko.#Ro 13.12-14; 1 Ts 5.8. 12Soke ni mara amen manusenchar kai si sargo amen, amen mara amen duonenchar kai si zurale ta bilache kai si katar o miloso, kai von gazdarin ta charoin po sueto katar o truniariko kai si truial amendar. 13Goleke len sa e patave sastrune kai o Del dia tumen, te sai terpin ando llive bilacho, ta kana ka aven lacharde sukar, te achen zurale.
14Goleke achen zurale, furiade e chachimaia.#Is 11.5; 59.17. 15Llan vrenimaia te phenen e lachi viasta katar e pas.#Is 52.7. 16Ta thoven angla tumende o pachape te mundaren sa e fleche phabarde kai chudel ande tumende o llavolo.#Sal 7.13. 17O braduipe te avel e challi sastruni te arakhel tumaro soro, ta e alava e Devleke te avel o jarni kai del tumen o Santo Duo.#Is 59.17; Ebr 4.12. 18Molintumen suako llive ta mangen e Devletar ando Duo. Thoven sama ta na jasaren tumari zor, ta molintumen pala sa o foro santo.#Kol 4.2-4. 19Ta molintumen i pala ma, te sai del man o Del e alava kai morabi te phenav, ta te del man e zor, ta gia te sai sikavav e lachi viasta kai saia gurudini. 20O Del bichalda man te sikavav gaia lachi viasta, ta goleke sem phanglo akana. Mangen e Devletar te del man zor te phenav bi darako e lachi viasta.
21Bichalav tumenge e Tikiko amaro phlal; amen voli le but ta radil chachimaia e Kristoke, vou ka phenel tumenge sar sem me ta so cherav.#Ech 20.4; 2 Ti 4.12. 22Goleke, bichalav le tumende te phenel tumenge sar sam amen, ta gia te del tumen zor.#Kol 4.7-8.
23O Del kai si o Dad, ta o Gazda o Jesukristo, te del e phlalen pas, volipe, ta pachape. 24O Del te blagosil sa e llenen kai volin e Jesukristo, ta kai lengo volipe ni merel, gia te avelpe.
Currently Selected:
Efesios 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
