Efesios 5
5
1Tumen sen chave e Devleke ta vou volil tumen, goleke morabi te aven prema lete. 2Morabi te volin saurren isto gia sar o Kristo volisarda amen ta diape pala amende te merel, sargo so si dino, sargo kurbano kai khandel sukar e Devleke.#Ek 29.18; Sal 40.6.
3Tumen morabi te zivin sargo llene katar o foro santo, goleke morabi te na den orba katar o kurvaluko, ni katar nisavi ezgoda pogani, ni katar e llia e lovengi. 4Na phenen pogane alava, ni alava bilache, ni orbe dile, soke gala ezgode inai lache tumenge, mai sukar si te blagosin e Devle. 5Tumen llanen gaia ezgoda kai kogo cherel kurvaluko, o cherel ezgode pogane, o mukela te inllarel le e llia e lovengi, kai si sargo kana vou blagosil avere delen, kogo cherela gala ezgode nasti avel le iek than ande charoina e Kristoki ta e Devleki.
Zivin ando villelo e Kristoko
6Niko te na kojavel tumen alavenchar kai si chuche, soke isto pala gala ezgode o Del dukhavel gole llenen kai ni kanden le. 7Goleke, te na avel tumen ni iek posla lenchar. 8Tumen omanglal zivina ando truniariko, a akana kai sen e Gazdake zivin ando villelo, goleke morabi te zivin sargo llene kai si e villeloke, 9soke o Duo del suako ezgoda lachi, del volipe, iek zivoto orta, ta o chachipe. 10Goleke mislin tumen so si drago e Gazdake. 11Na thoven tumen ande iek than e llenenchar kai cheren o bilachipe ta kai si katar o truniariko; mai sukar thoven o truniariko ando villelo. 12Soke lallao si i te da orba katar e ezgode kai von cheren po chorial. 13A kana sa e ezgode sikadon po villelo, o villelo cherel te dikhol suako ezgoda. 14Goleke iek lleno pisisarda gia:
Llungado tu kai sove,
uste katar o meripe,
ta o Kristo ka thovel pe tu po villelo.
15Goleke, arakhen tumen ta na zivin dilimaia, soke sar morabi te zivin si bizaimaia. 16Thoven sama so cheren, soke gala llivesa si bilache.#Kol 4.5. 17Na cheren e ezgode dilimaia, morabi te acharen savi si e volia e Gazdaki. 18Na maton, soke e mol inllarel kai o bilachipe. Mai sukar pherdon katar o Santo Duo. 19Kana ka chidiniaon, llilaben salmura ta llilia duoke, llilaben ta blagosin sa tumare liea e Gazda. 20Den fala suako llive e Devle ta Dad pala suako ezgoda ando anav katar amaro Gazda o Jesukristo.#Kol 3.16-17.
Sar morabi te zivin e llene kai pachan ando Kristo maskar pi familia
21Den liubao iek avere, cheren le pala o Jesukristo.
22E rromia morabi te den liubao pe rromen sargo e Gazda.#Kol 3.18; 1 P 3.1. 23Soke o rrom si o soro e rromiako, gia sar o Kristo si o soro e khanllirako ta e khanlliri si leki esnaga ta vou si lako Braduimari. 24Gia sar e khanlliri del liubao e Kristo, isto gia e rromia morabi te den liubao pe rromen pe suako ezgoda.
25Romalen, volin tumare rromien gia sar o Kristo volisarda e khanllira ta dia po zivoto pala la.#Kol 3.19; 1 P 3.7. 26Ta kana jalada la ando pai ta ande alava, chistosarda la ta cherda la santa. 27Te sai sikavel isto vou peke iek khanlliri sukar, te na avel makhli ni gorchome ta te na avel la ni iek katar gala ezgode te avel santa ta bi dosaki.#2 Kor 11.2; Apo 21.2,9. 28Isto gia e llene kai si zinime morabi te volin pe rromien sargo pe esnaga. Ko volil pe rromia volil isto vou pe. 29Soke niko ni murzin pe pi esnaga, volil la ta del la te jal ta arakhel la, isto gia si sar cherel o Kristo e khanlliraia, 30soke voi si leki esnaga ta amen sam katar goia esnaga. 31Gia phenel so si pisime: Goleke, o manus ka mukel pe dade ta pe da, te sai avel ande iek than pe rromiaia, ta e dui ka aven sargo iek mas.#Jen 2.24. 32Kate sikadol gia baro si so mangela te cherel o Del, a gala ezgode sea gurudine, ta phende si cheres o Kristo ta e khanlliri. 33Goleke suako lleno tumendar morabi te volil pe rromia sargo isto vou pe, ta suako rromi morabi te del liubao pe rrome.
Currently Selected:
Efesios 5: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
