Eklesiastes 9
9
So si o zivoto ta o meripe
1Sa me liea thodem man pe gala ezgode te sai penav tumenge gala orbe:
Kai e llene chache ta e bizai ta sogo cheren si ande Devleke va, avela volipe o avela murzania, e manusa ni acharen le, a sa si angla lende.#Pr 16.1,9; 19.21. 2Sargo te avela saurre nakhen isto goia ezgoda. O chacho ta gua kai inai chacho, o lacho ta gua kai inai lacho. O chisto ta gua kai inai chisto, gua kai chinel kurbano ta gua kai ni chinel le. O lacho ta gua kai cherel o bilachipe, gua kai jal sovel ta gua kai daral te jal sovel.
3Gava bilachipe si ande sa so cherdol pe gaia phuv, sa nakhen isto goia ezgoda ta e manuseko lio si pherdo bilachipe ta dilipe sa leko zivoto, ta mapalal merel.
4A o manus kai zivil si le so aduricharel, soke mai lache si iek llukel llundo neko iek liono mulo. 5Soke e llene kai zivin llanen kai si te meren, a e mule ni llanen niso, ta ni pochindol lenge ios, soke lengo mislo si thodo ando jasardipe. 6Ta i lengo volipe ta lengi murzania ta lengi joli si muli, ta ni ka cheren niso pe sogo cherdol pe gaia phuv.
7Lla ta ja cho marrno veselimaia ta pi chi mol ande dragostia, soke e Devleke avila drago so chere. 8Sa o vreme te aven parrne che patave, thov suako llive pe cho soro o meriso. 9Veselisao pe gava zivoto e diskiniaia kai voli sogo zivia pe gaia phuv kai ni mol la niso, soke gua si cho chari po zivoto ta ande cho rado kai trudi tut pe gaia phuv.#Pr 5.15-19. 10Sogo avela chuke po va te chere, cher le prema chi zor, soke ando limori kai ka lla, inai so te chere, inai rado, ni bizaipe, ni llanglipe.
O bangipe kai si po zivoto
11Aver ezgoda dikhlem pe gaia phuv:
Kai inai katar e llene lokhe te prasten, ni katar e zurale te marenpe, ni katar e llangle o marrno, ni katar e bizai o barvalipe, ni katar e llene kai den orba sukar te peren drago saurrenge. So dikhlem si kai o vreme delpe saurrenge. 12Soke o manus ni llanel kana ka avel leko vreme, sargo e mache kai istaren len ande mreza, ta e chiriklia kai achen phangle po thav lenge porrne, isto gia achen phangle e manusa ando bilacho vreme, kai avel kana ni uzdinpe.
13Dikhlem i gava bizaipe pe gaia phuv, ta me misliu man kai si bari: 14iek forichi kai inai le but llene, ta avel pe lende iek charo zuralo, ta thovel truial lendar pe ezgode te marelpe lenchar, 15a ando forichi zivila iek lleno chorro, kai saia bizai, vou sai braduisardaia gole foro, ¡a niko ni diape golli letar!
Mai mol o bizaipe
16A me phenav kai mai mol o bizai neko tromano, i te na thovena sama po bizaipe e chorreko, ta i te na asunena leko bizaipe.#Pr 24.5.
17Mai sukar asundon e alava e bizaieke ando esmiro,
neko o urkipe katar o charo maskar e dile.
18Mai mol o bizaipe neko
e ezgode kai marenpe lenchar,
a iek lleno bilacho
sai murir but lachipe.
Currently Selected:
Eklesiastes 9: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
