Popular Bible Verses from Eklesiastes 9

Share

Sogo avela chuke po va te chere, cher le prema chi zor, soke ando limori kai ka lla, inai so te chere, inai rado, ni bizaipe, ni llanglipe.

Aver ezgoda dikhlem pe gaia phuv: Kai inai katar e llene lokhe te prasten, ni katar e zurale te marenpe, ni katar e llangle o marrno, ni katar e bizai o barvalipe, ni katar e llene kai den orba sukar te peren drago saurrenge. So dikhlem si kai o vreme delpe saurrenge.

Veselisao pe gava zivoto e diskiniaia kai voli sogo zivia pe gaia phuv kai ni mol la niso, soke gua si cho chari po zivoto ta ande cho rado kai trudi tut pe gaia phuv.

Lla ta ja cho marrno veselimaia ta pi chi mol ande dragostia, soke e Devleke avila drago so chere.

Mai mol o bizaipe neko e ezgode kai marenpe lenchar, a iek lleno bilacho sai murir but lachipe.

Mai sukar asundon e alava e bizaieke ando esmiro, neko o urkipe katar o charo maskar e dile.

Soke e llene kai zivin llanen kai si te meren, a e mule ni llanen niso, ta ni pochindol lenge ios, soke lengo mislo si thodo ando jasardipe.