Eklesiastes 10
10
1Iek mak muli cherel te khandel gado
o lacho meriso,
isto gia si iek minono dilipe
katar iek lleno kai si asundo kai si bizai.
2O lleno bizai cherel o lachipe,
a o lleno dilo cherel o bilachipe.
3O dilo i kana phirel cherel le dilimaia,
ta phenel saurrenge kai si dilo.
4Te joliaola pe tute o charo,
terpisar,
soke o lleno esmiro achavel e joli.
5Iek ezgoda bilachi dikhlem pe gaia phuv, kai si sargo iek bangipe kai cherel o charo, 6kai o dilipe si thodo pe iek than but upre, ta e barvale besen pe iek than kai si tele. 7Dikhlem sluge kai llan pe gra, ta charura kai llana peske sargo sluge.
8Ko anavel ande phuv
ka perel endre ando anadipe.
Ko phagel iek zido
ka dandarel le iek sap.#Sal 7.15; Pr 26.27.
9Ko phagel e barra
ka dukhavelpe lenchar,
ko phagel e kasta
sai chinelpe lenchar.
10Te jasarela o tover po ostrope,
si te chere mai but zor,
Goleke mai lache si
te cherdon e ezgode orta ta bizaimaia.
11Ni trubul nisoke o lleno kai cherel e sape te chelel
te dandarela le o sap mai anglal.
12E orba kai del o bizai si pherde dragostia,
a e orba e dileki anen isto leke e zatrania,#Pr 10.32; 15.2.
13leki orba llal angle dilimaia
ta getol pi orba ando dilipe.
14O dilo del but orbe,
¿A ko sai phenel so ka avelpe thiara,
niko ni llanel so ka avelpe mai angle?
15O rado e dilengo chiniarel len,
soke ni llanen sar te llan ando foro.
16¡Tesko e phuviake kai lako charo si ternorro,
ta kana leke sudura
jan ta pien thiarinako!
17¡Blagosime e phuv kai si la iek charo glamno,
ta kai leke sudura
jan kana trubul te jan
te len peke zor
a na te pien mol ta te maton!
18Pala o lenope o cher phagol upral,
ta pala e va khuvde o cher thavdel.
19Pala e dragostia cherdol iek jape,
ta e mol veselil e manusen,
a e lovenchar cherdol suako ezgoda.
20Ni ande che mislura
na de orba bilachi katar o charo,
na de orba katar o barvalo
ni kana san korkorre ande chi soba,
soke e chirikliorra furian ta sai phenen le leke.
Currently Selected:
Eklesiastes 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
