Eklesiastes 6

1Aver bilachipe dikhlem pe gaia phuv ta dikhol but maskar e llene, 2kai o manus kai o Del del le barvalipe, lachipe ta liubao, ta kai ni trubul le niso katar so zelil, o Del ni mukel le te veselilpe gole ezgodenchar, ta aver llene len goia veselia. ¡I gaia ezgoda ni mol la niso ta si iek bilachipe kai dukhavel o zivoto!#Sal 39.6. 3E manuse sai aven le stotina chaurre, ta sai zivil but burs, a te na chalilo katar o lachipe, ta te na avila le ni limori, me phenav kai mai mol neko vou iek minono kai biandol mulo. 4Soke gua minono jasaol kote kai inai niso, ta ando truniariko leko anav jasaol, 5ta nikada ni dikhla o kham ta ni pinllarda le. Mai esmiro si leke neko gole manuseke, 6soke i te zivila dui milie burs ta ni veselilape ando lachipe, ¿ni ka lla saurre isto kai iek than?

7Sa so radil o manus si te sai jal, a nikada ni achel chalio. 8¿So si e bizaie mai but neko e dile? ¿So si le mai but o chorro kai llangla te phirel pe gava zivoto?

9Mai mol so dikhol neko o mislo kai nakhel. Ta i gaia ezgoda ni mol la niso ta dukhavel o zivoto. 10A cheres so si akana cheren but burs kai si le anav, ta llana kai si o manus ta ka nasti marelpe golea kai si mai zuralo letar. 11Kana si but orbe bariaren so ni mol le niso. ¿So ios si e manuse? 12Soke niko ni llanel so si mai lache e manuseke pe gava zivoto, sa e llivesa katar leko zivoto kai ni mol len niso ta kai nakhel len sargo iek senka. Soke, ¿Ko llanel so ka avelpe pe e manusetar pe gaia phuv mapalal kana ka merel?#Job 8.9; 14.2; Sal 39.5-6; 102.11; 109.23.

Currently Selected:

Eklesiastes 6: BACHRO

Highlight

Copy