Eklesiastes 5
5
Kana delpe o alav morabi te cherdol
1Kana ka lla ando cher e Devleko dik so chere, mai sukar si te lla mai pase te asune, neko te de kurbano sargo e dile kai ni llanen kai cheren o bilachipe.
2Na sigar te misli tut te de orba ni te phene vareso angla o Del, soke o Del si ando miloso a tu san pe phuv, goleke na de but orba. 3Soke kana chere but ezgode avel e lindri, ta ande but alava si o dilipe.#Pr 10.19.
4Kana ka ja sovel e Devleke, sigar te chere so phendan, soke leke inai drago e dile. Cher so jalan sovel. 5Mai lache si te na ja sovel, neko te ja sovel ta te na chere so phendan.#Dt 23.21-23; Sal 66.13-14.
6Na muk che alava te cheren tut te chere o bilachipe, ta na phen angla o suecho kai cherdan le soke ni llanea. ¿Soke ka joliare e Devle pala che alava ta ka chere te zatril sa so cherdan? 7Goleke, pala gachin sune bilache si gachin ezgode kai ni mol len niso. Atu, trubul te dara e Devletar.
Ezgode kai kojaven ando zivoto
8Te na chudi tut te dikhlan ande varesavo foro kai ni thoven sama e llenenge kai si chorre, o kai bangaren o chachipe, soke po sudo kai si upre gazdaril aver kai si mai upre letar, ta upral pe lende gazdaril aver. 9Ta gia bariol o foro saurrenge, ta i o charo radil pala e llene katar o vos.
10O lleno kai volil e love, ni ka chaliol nikada katar e love, ta gua kai drago leke te avel le but ni ka lel chari. I gaia ezgoda ni mol la niso. 11Soke kana e manuse si le mai but, mai but llene jan. ¿A so dobil o lleno kai si le kana samo sai dikhel po barvalipe kai si le? 12O lleno kai radil sovel lachi lindri, jala but o jala cherricha. A o barvalo nasti sovel soke si le but.
13Dikhlem iek bilachipe kai dukhavel e sueto:
Kai e llene kai chiden but love te guruven len, goia ezgoda muril len, 14soke ande iek rado bilacho sai jasaren len, ta lenge chaurre sai achen bi lovenchar. 15Gia sar likisto katar pe dako lli nango, isto gia ka llaltar sar avilo, ta ni ka inllarel ande pe va niso katar po rado.#Job 1.21; Sal 49.17; 1 Ti 6.7. 16Gaia si iek ezgoda but bilachi, kai gia sar avilo, isto gia si te llaltar. ¿Ta so dobisarda kai radisarda samo gia? 17Ta sa po zivoto jala ando truniariko, dukhado, ande nuzda ta ande joli.
18A o lachipe kai me dikhlem ande sa gala ezgode, si o manus te jal ta te piel ta te veselilpe ando lachipe kai del le o pharo rado kai cherel pe gaia phuv, ande sa o zivoto kai del le o Del, soke gua si leko chari. 19Ta suako llene kai o Del del le barvalipe ta lachipe, ta mukel le te jal katar gua barvalipe ta te lel po chari ta te veselilpe pala po rado, gua si soke o Del dia le goia ezgoda. 20Ta ni ka delpe golli but katar e nuzde e zivotoke soke o Del ka pherel veselia leko lio.
Currently Selected:
Eklesiastes 5: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
