Eklesiastes 4
4
1Thodem sama pe aver rig ta dikhlem pe sa o silnope kai cherdol pe gaia phuv, ta sar roven e llene dukhade bi te avel ko te del len zor, a gola kai dukhavena len saia len e zor, a gola kai rovena ni saia ko te del len vlaga. 2Goleke blagosisardem mai but golen kai mule neko golen kai zivin, 3a mai lache si golenge kai ni biandile neko golenge kai si mule, soke ni dikhle o bilachipe kai si pe gaia phuv.
4Ta i dikhlem kai suako buchi ta suako baro rado cherel te avel joli maskar e llene. Ta i gaia ezgoda ni mol la niso ta dukhavel o zivoto.
5O dilo khuvel pe va ta jal isto po mas. 6Mai mol te radi dopas ta te ache te lelpe o chiñipe, neko te ave pherdo rado ta te dukhadol cho zivoto.
7Dikhlem pe aver rig ta dikhlem aver ezgoda kai ni mol niso: 8Iek lleno korkorre kai inai le ni chaurre ni phlal, a ni achel te radil, ta ni chiniol te dikhel pe po barvalipe, ta ni puchel vou pe:
¿Kake radiu me, ta achavav katar mo zivoto o lachipe? ¡Ta i gaia ezgoda ni mol la niso, ta si iek pharo rado!
Kana si zanio si zor
9Mai mol dui neko iek, soke mai but chari len pe po rado. 10A te perel iek, o gua ka vazdel ogole. ¡A tesko goleke kai perel kana si korkorre soke ni ka avel ko te vazdel le! 11Ta dui llene te soven ande iek than iek ka del tatipe ogole, a iek lleno korkorre ¿sar ka lel o tatipe? 12Iekhe llene korkorre sai dobin le, a dui sai terpin. Ta o solo trine thavengo ni chindol oma.
O bizaipe inai ande bursa
13Mi preche si o terno chorro ta bizai neko o charo phuro ta dilo, soke ni ka asunel kana ka sikaven le. 14I te likela katar o phandipe o terno, ta i te biandilo chorro ande charoina, ka cherdol charo: 15Dikhlem sa e manusen sar phirena e ternea kai ka avel po than katar o purano charo. 16But sueto llala pala le, a ni von ni e llene kai ka aven mapalal ni ka aven vesele lea. Ta gaia ezgoda ni mol la niso ta dukhavel o lio.
Currently Selected:
Eklesiastes 4: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
