Deuteronomio 8
8
Na samo e marrnetar zivil o manus
1Goleke kande e alava kai me dav tumen allive, gia te sai tumen zivin ta te aven iek phuv bari ta te den ta te len e phuv kai o Del dia po lav tumare puranenge kai ka del la. 2Den tumen golli katar sa o drom kai o Del tumaro Gazda cherda tumen te phiren po pusto saranda burs te sai del tumen ando lallao ta te zumavel tumen te sai pinllarel so saia ande tumaro lio o saia te kanden o iok leke alava. 3Ta ikana cherda tumen te nakhen duk ta bok, mapalal dia tumen o mana te pravarel tumen, o jape kai ni tumen ta ni tumare purane pinllarena, te sai cherel tumen te llanen kai na samo e marrnetar zivil o manus o manus zivil katar suako ezgoda kai likel katar e Devleko mui.#Mt 4.4; Lk 4.4. 4Ande gola saranda burs ni murisaile tumare patave ta ni suvlile tumare porrne. 5Acharen kai o Del tumaro Gazda dia pe tumende isto gia sar iek dad del pe po chaurro.#2 S 7.14; Sal 89.32; Pr 3.11-12; Ebr 12.5-11. 6Goleke kanden e alava katar o Del tumaro Gazda ta den le liubao ta llan pala leke alava kai sikada tumen. 7Soke o Del ka inllarel tumen kai iek phuv lachi, kai iek phuv kai si pherdi lenura paia ta paia kai liken katar e umalia ta katar e burdura, 8si iek phuv kai lliu, sebada, drakha, simochine, granados, maslinke, ta aullin. 9E phuv kai ande late ni ka ja cherricha marrno ta niso ni ka trubul tut ande late, ande lake barra ka malaven sastri ta katar lake burdura ka kanen jarkuma. 10A mapalal kana ka jan ta ka achen chalie, morabi te blagosin e Devle tumaro gazda pala e lachi phuv kai dia tumen.
E alava te na bristarenpe e Devletar
11Arakhen tumen te na bristaren tumen katar o Del tumaro Gazda, te sai kanden leke alava ta so phenda te cheren, ta leke alava kai allive me phenav tumenge te kanden. 12Te na avel pe kai ka ja ta ka chalio ta ka chere lache chera te zivi 13ta che guruva ta che bakre ka aven but ta sa so si tut te bariol, 14ta te thoven tumen te istardon ande tumaro lio ta te bristaren tumen katar o Del tumaro Gazda, kai ikanda tumen katar o Ejipto kote kai sena sluge, 15kai cherda tumen te phiren iek baro ta darano pusto, pherdo sapa kai mundaren ta eskorpione ta kai inai pai. A vou ikanda pai katar iek zurali pechina ta dia tumen te pien,#Ek 17.1-7; Nm 20.1-13; 21.4-9. 16ta dia tumen mana te pravarel tumen po pusto iek jape kai tumare purane ni pinllarde, te sai del tumen ando lallao ta te zumavel tumen ta sa gale ezgodenchar te cherel chuke o lachipe.#Os 13.5-6.
17Ta na phenen ande tumaro lio: Sa gava barvalipe cherdam le amare zoriaia. 18Tumen morabi te den tumen golli katar o Del tumaro Gazda Soke vou si kai dia tumen e zor te cheren gava barvalipe, te sai cherel pe alava kai diaia tumare puranenge 19A tumen te bristaona e Devletar tumaro gazda ta te llanatar pala aver dela ta blagosina len ta te dena changa angla lende, me phenav tumenge allive kai chachimaia ka aven zatrime. 20Isto gia sar o Del ka zatril e phuvien kai tumen ka malaven angla tumende, isto gia tumen ka aven zatrime soke ni kandien e Devle tumaro gazda.
Currently Selected:
Deuteronomio 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
