Deuteronomio 6
6
O mai baro zakono
1Gala si e zakonura ta so si te cheren ta e alava kai o Del phenda te sikavav tumen te sai cheren len ande phuv kai tumen nakhen te len. 2Gia tumen ka den liubao e Devle tumaro gazda, te kanden sa leke alava ta leke zakonura kai me phenav tumenge ta i tumare chaurrenge ta tu mare unukonenge, gia ka zivin but burs. 3Goleke israelita, kanden len. Gia ka llal tumenge sukar ta ka aven iek foro but baro ande gia phuv kai o thud ta o aullin llan sargo o pai, gia sar o Del tumaro Gazda tumare puranengo phendaia lenge.
4Asun Israel o Del amaro gazda iek si.
5Volisar e Devle cho gazda sa che liea sa che zivotoia ta sa che zuriaia.
6Thou ande cho lio sa gala alava kai phenav chuke allive. 7Ta ka sikave len che chaurren suako drom, phen lenge katar gala e alava ande cho cher ta i po drom ta kana ka thove tut te sove ta i kana ka uste. 8Inllar gala alava phangle pe che va ta pe cho chikat te sai dikhon, 9pisisar len pe cho udar ta po udar katar cho foro.
O Moises phenel e israelenge te sai kanden
10O Del tumaro Gazda ka cherel tumen te den ande phuv kai tumare puranenge o Abraam o Isaak ta o Jakob jala lenge sovel kai ka del len. Si iek phuv kai si la bare ta sukar forura kai tumen ni cherden.#Jen 12.7; 26.3; 28.13. 11Ta chera kai si pherde katar o mai sukaripe kai tumen ni pherden. Bunaria kai tumen ni anaden ta drakha ta maslinge kai tumen ni bariaden, ta lendar ka jan lligo ni ka chalion. 12Kana gua ka avelpe te na bristaon katar o Del, kai ikanda tumen katar o Ejipto, kote kai sena sluge. 13Blagosin e Devle tumaro gazda ta radin samo leke, ta kana ka jan sovel cheren le samo ande Devleko anav.#Mt 4.10; Lk 4.8. 14Na llan pala e dela kai blagosin ogola forura kai si truial, 15Soke o Del tumaro Gazda mangel samo le te blagosin ta sai joliaol tumenchar ta sai zatril tumen sa.
16Na thoven ando zumadipe e Devle tumaro gazda, gia sar cherde le ande Masa. 17Kanden chachimaia e alava e Devleke tumaro gazda ta so si te cheren ta e zakonura kai dia tumen. 18Cheren o chachipe ta o lachipe angla e akha e Devleke, te sai llal tumenge sukar ta te len tumenge e lachi phuv kai o Del jala sovel te del tumare puranenge, 19ta te sai o Del chudel tumare dusmanen angla tumende, gia sar phenda kai ka cherel.
20Kana iek llive tumare churre ka puchen tumen: ¿So si gala alava gala zakonura ta gala ezgode kai morabi te chera?, 21tumen ka phenen lenge:
Amen sama sluge katar o Faraon, ando Ejipto ta o Del ikanda amen kotar bare zoriaia. 22O Del cherda bare ezgode te dikhon ta bare ezgode Devlikane ta darane ando Ejipto po Faraon ta pe sa leko cher, angla amare e akha. 23Ta amen ikanda kotar ta inllarda amen ande phuv kai phendaia amare puranenge ta dia la amenge 24Mapalal o Del amaro gazda phenda amenge te kanda sa gala alava ta te da len liubao te sai llal amenge sukar ta vou te arakhel amaro zivoto sargo llik allive. 25Ta ka avel amen chachipe kana ka kanda gala alava angla o Del, gia sar phenda amenge te chera.
Currently Selected:
Deuteronomio 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
