Deuteronomio 33
33
O Moises blagosil e viche katar o Israel
1Mai anglal te merel o Moises manus e Devleko, blagosisarda e chaurren katar o Israel 2gale alavenchar:
O Del avel katar o burdo Sinai.
Katar o Seir dia amen po villelo.
Klichisarda katar e burdura katar o Param
Avel katar o Meriba ta katar o Kades.
Ta ande po va o stingo anel o zakono iagako.
3O Del volil pe foro,
sa e llene sante si ande leke va.
Goleke von llan pala tu
ta tu phene lenge so te cheren.
4O Moises dia amen iek zakono
so si te lel o porodo katar o Jakob,
5Ta saia charo ando Jesurun#Dt 32.15; Is 44.2.
kana chidinaile e birovura katar o foro,
kana chidinaile e viche katar o Israel.
6A cheres o Ruben phenda:
¡Te zivil o Ruben! Te na merel,
i te avena cherricha leke llene!
7A cheres o Juda phenda:
Devla asun o avazi katar o Juda.
Ta cher te chidiniaol pe foroia.
Arakhle che zoriaia.
Pomozisar le katar leke dusmanura.
8A cheres o Levi phenda:
Chiri si Devla o Tumim ta o Urim
chire ta e llene kai si chuke chacho
gole kai zumadan ande Masa,
lea kai jalan tut ande paia katar e Meriba,#Ek 28.30; Ek 17.7; Nm 20.13.
9gua kai phenda pe dadeke ta pe dake: Nikada ni dikhlem tumen,#Ek 32.25-29.
gua kai phenda pe phlalenge: Ni pinllarav tumen
Ta pe chaurrenge phenda:
Ni llanav ko sen
von kanden che alava,
ta von kandie e orba kai achilan lenchar.
10Von ka sikaven che alava e Jakobe ta e israele,
ande che zakonura ta che alava,
thoven ande cho altar angla tu,
taimako ta ofrende katar e zivirinie.
11Devla blagosisar so von cherena,
ta le dragostimaia lengo rado.
Phag e sea lenge dusmanenge,
ta nikada te na vazdiniaon gola kai murzin pe lende.
12A cheres o Benjamin phenda:
Le kai volil o Del ka zivil esmiro,
O Del ka arakhel le suako llive
¡Ka zivil telal katar leki zor!
13A cheres o Jose phenda:
O Del te blagosil leki phuv
e mai lache bursindea katar o miloso
ta e paiea kai si mai telal katar e phuv,
14ta e mai lache septelienchar katar o burs
ta e mai lache septelienchar katar e chona,
15ta e mai lache septelienchar katar e burdura purane
ta e septelienchar katar e burdura ostade,
16ta e mai lache septelienchar kai pheren e phuv
ta e blagosimaia katar o Del.
Te avel sa gala ezgode po Jose,
kai o Del ezbirime maskar leke phlal.
17Vou si sukar sargo o purvo chaurro katar o guruv
zuralo sargo o bufalo,
ta pe singenchar ka chalavel e phuvien
llik kai si mai dur katar e phuv.
Gia si e but llene katar o Efrain.
Gia si e milie katar o Manases.#Jen 49.22-26.
18A cheres o Zabulon ta o Isakar phenda:
Veselisao, Zabulon ka like
ta tu Isakar kana ka ache ande che chare.
19Ka ikharen e phuvien kai o burdo,
ta kote ka den kurbanura kai trubun,
ta ka veselin tumen katar o barvalipe kai del e mora
ta katar o barvalipe kai si gurudino pe chisai.#Jen 49.13; Jos 19.10-16.
20A cheres o Gad phenda
¡Blagosime gua kai bariarda e phuv katar o Gad!
San sargo liono lachardo te marel pe
kai chinel va ta sore,
21O Gad achila e mai lache ezgodaia,
Ieke phuviaia kai si chinadi e gazdenge.
Phirel anglal o foro katar o Israel.
Cherda so o Del mangela letar.
Llal chachimaia ta cherel e ezgode
prema so phenda leke o Del te cherel.#Nm 32.1-42.
22A cheres o Dan phenda:
O Dan si sargo o minono e lionoko
kai jutel katar o Basan.#Jos 19.47; Jue 18.1-29.
23A cheres o Naftali phenda:
Po Naftali o Del dikhel sukar,
ta but blagosil le,
¡Ta leko si o lago llik ando sur!#Jos 19.33-39.
24A cheres o Aser phenda:
Te avel blagosime o Aser maskar e chaurre katar o Jakob,
Kai mai volin maskar e phlal,
Ta te makhel pe porrne ando zeitino.
25Te aven sastrune ta tucheki e riga kote kai phanden leke udara,
ta sa so zivia ka avel tut zor.
26Inai Del sargo o Del katar o Jesurun,
kai llal barimaia upral pe oblakura e milosoke
te sai pomozil tut.
27O Del ostade si kote kai gurudol,
Ta kate pe phuv suako drom pomozil tut
cherda te nasel angla tu e dusmano
ta phenda chuke te zatri le.
28O Israel zivil pachamaia.
Leko porodo ka zivil ande pas.
Ande lengi phuv ka avel lliu ta drakha,
ta ka avel len o bursin e milosoko.
29¡Blagosime tu Israel!
¿Ko sai avel sargo tu?
Iek foro kai braduisarda le o Del,
Vou arakhel tut ta pomozil tut,
¡Vou si cho jarni kai dobil!
Che dusmanura ka achen ando lallao,
ta tu ka ustave pe lengo baripe.
Currently Selected:
Deuteronomio 33: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
