Deuteronomio 32
32
1Asunen man milosura, kai ka dav orba,
te asunel e phuv so ka phenel mo mui.
2Mo sikadipe ka perel sargo o bursin,
a me alava ka aven sargo kana pechalpeke,
sargo o bursin pe patra,
sargo o paiorro kana perel pe char.
3Ka cherav te llangliolpe o anav e Devleko ka blagosiv amare Devle.
4Vou si amari pechina
ta vou si chacho.
Sa leke droma si chache.
Vou si o Del katar o chachipe
ta ande lete inai ni iek bilachipe
vou si chacho ta orta.
5O bilachipe inai leko
o bilachipe si leke chaurrengo,
kai si llene kai ni llan orta ta kai si bilache.
6¿Gia si sar pochinen e Devleke,
foro dilo kai inai bizai?
¡Vou si cho dad! ¡Vou si kai cherda tut!
¡Vou cherda tut ta dia tut so san!.
7De tut golli katar o vreme purano,
thov sama pe bursa kai nakhle.
Phen che dadeke te phenel chuke,
ta e phurenge te phenen chuke
8kana o Del dia po barvalipe e phuvien,#Ech 17.26.
kana fulada e manusen maskar e viche
ta suako foro dia len lengi phuv
prema pe gachin sea e israelitura.
9Soke o barvalipe e Devleko si leko foro.
O Jakob si so pela le.
10Malada len po pusto
pe iek phuv pusti bilachi ta korkorre.
Anda len pasa pete ta sikada len.
¡Arakhla len sargo pe akha!
11Gia sar e agila furial truial katar o kuibo#Ek 19.4.
ta del zor pe chirikliorren te furian,
gia o del inzarda pe pakha
ta lia len ta inllarda len pe pete.
12Isto gia o Del inllarda len
ta ni iek del kai ni pinllaren pomozisarda le.
13Cherda len te liken
te liken upral katar e phuv,
dia len te jan e septelie katar e umal,
katar e pechina dia len te jan aullin
ta katar iek bar zuralo ikanda lenge zeitino
14kaimako katar e gurumia ta thud katar e bakria
ta jale o mai sukaripe katar e bakre,
ta busne katar o Basan ta bakre e vosake.
Jale o mai lache kuchina katar o lliu
ta pile o mai lachi mol.
15A o Jesurun thulilo, ta chalada e porrnea#Dt 33.5-26; Is 44.2.
pherdilo khoi
ta mukla e Devle kai cherda le
ta ni thoda sama e pechinake katar leko braduipe.
16Ta llungade leki joli averenge delenchar
kana blagosina len.
17Die kurbanura e llavolonenge a na e Devle#1 Kor 10.20.
e delenge kojamne kai nikada ni pinllardea omanglal,
neve dela kai avilea
kai lenge dada nikada ni blagosisardea.
18Bristailan katar e pechina kai cherda tut
bristailan katar o Del kai dia tut o zivoto.
19O Del dikhla gava ta phabila leki joli
soke leke chaurre ta leke chorra ni thode leke sama.
20Ondaka phenda:
ka guruvav lendar mo mui,
ta ka dikhav kai ka resen
soke si iek vicha bilachi
chaurre kai nasti avel vera ande lende.
21Llungade mi joli pe delenchar#Ro 10.19.
bariaren mi joli e delenchar kai inai dela,
a me ka vazdav lengi joli iekhe foroia kai inai foro,
ka cherav len te joliaon iekhe foroia kai ni mangen te acharen.
22Soke mi joli phabila sargo iag
ta ka phabol llik andre ando limori.
Ka phabarel e phuv ta lake septelie,
ka phabarel llik kote kai besen e burdura.
23Ka chidav upral pe lende zatranie,
¡Ka chudav ande lende me llide!
24ka meren bokhatar ta ka phabon nasualimatar.
Iek muka cherki ka zatril len.
Ka bichalav pe lende zivirinie dive
ta sapa kai mundaren
25Pe droma ka zatril o jarni,
ta ande chera e dar ka charoil
Ka meren e chaurre ta e chorra,
e phure ta i e minone kolineke.
26Me phendema kai ka rispiu len dur,
ta kai e manusa pe phuv ni ka denpe golli lendar,
27a ni kamlem de terpiu e espurnia katar o dusmano.
Ni kamlem te falinpe me dusmanura
ta te phenen:
Amaro va zuralo cherda gava,
a na o Del.
28Soke o Israel si iek foro kai jasarda pi golli
von ni acharel
29¡Te avilea bizai achardea
achardea so ka avelpe lendar!
30¿Sar iek lleno korkorre cherda te nasen milia?
¿A sar dui cherde nasen dese milien?
¡Soke o Del lengi pechina,
vou mangla te del len kai o dusmano!
31A mare dusmanura llanen
kai lengi pechina inai sargo amari pechina
32E drakha lenge si e drakha
katar e Sodoma ta e Gomorra,
kai den drakha cherke ta kai mundaren.
33Lengi mol si sapengi kai mundarel
¡Sapa kai mundaren!
34Sa gava gurudem le sargo sunakai
35e lliveseke kana ka ikanav mi joli#Ro 12.19; Ebr 10.30.
kana ka avel o vreme te peren
pase si o llive katar lengi zatrania,
ta so aduricharel len avel oma.
36Ea, o Del ka krisil pe foro,#Sal 135.14.
kana ka dikhel kai inai len zor
o Del ka avel leke zao katar leke sluge
kana ka dikhel kai inai kovle ni zurale.
37Ondaka ka phenel lenge: ¿Kai talen tumare dela
E pechina kai gurudona.
38Kai jana e khoi katar pe kurbanura
ta piena e mol kai dena len?
¡Te usten te pomozin amen!
¡Te aven te arakhen amen!
39Samo me sem o Del
ta inai aver dela avri mandar.
Me dav o zivoto ta me lav le.
Me rraniu ta me sastarav
¡Ta niko nasti nasel katar me va.
40Me vazdav mo va ando miloso,
Ta ka phenav: Ziviu me ostade,
41Kana ka ostrou mo jarni kai klichil
ka thovav o va pe lete po llive e krisako
ka kanav mi duk katar me dusmanura
ta gola kai murzin me mande ka dukhavav len
42Ka makhav e ratea me llide
ta mo jarni ka zatril len
¡Rat katar e llene rranime ta phanglengo!
ta ¡E birovengo katar e dusmanura bare balenge!
43Tumen phuvialen blagosin e Devleke foro,#Ro 15.10; Ech 19.2.
soke vou ka ikanel pi joli cheres o rat pe slugengo
ta ka ikanel pi joli pe pe dusmanura
ta ka prostil e phuvia katar po foro.
E alava e Moiseseke
44O Moises avilo kai o foro ta e Josuea chaurro katar o Nun, phenda pale sa gala alava katar gaia llili. 45Ta kana o Moises gotovisarda te phenel sa gala alava angla o Israel, 46phenda lenge: Den tumaro lio te kanden sa gala alava katar gava zakono kai allive sikadem tumen te dikhen tumare chaurre te khanden len.
47Soke inai alava kai ni mol len. Gava zakono si tumaro zivoto. Gale zakonoia tumen ka bariaren tumaro zivoto pe phuv pe ogoia rig o Jordan, kote kai llan akana te len e phuv tumenge.
O Del mukel e Moisese te dikhel e phuv kai phendaia kai ka del len
48Isto ande gua llive o Del dia orba e Moisesea ta phenda leke:
49Like po burdo Abarin, llik upre katar o burdo Nebo, kai si ande katar o Moab, angla o Jeriko ta dik e phuv katar o Kanaan, kai me dav e israelen te avel lengi. 50Kote pe gua burdo kai ka like, ka mere ta ka ave ande iek than che foroia, gia sar mulo cho phlal o Aaron po burdo Or, ta saia thodo pe foroia. 51Incha, ande paia katar e Meriba katar o Kades, po pusto katar o Sim, tumen cherden mange bilachipe angla e chaurre katar o Israel ta angla lende tumen ni dien man liubao. 52Goleke samo ka dikhe angla che akha e phuv kai ka dav e chaurren katar o Israel a tu ni ka de ande late.#Nm 20.10-13; 27.12-14; Dt 3.23-27.
Currently Selected:
Deuteronomio 32: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
