Deuteronomio 31
31
O Josue po than e Moiseseko
Nm 27.12-23
1Llelo o Moises ta dia oerba gala alava sa e israelege, 2ta phenda:
Allive simange stotina ta bis burs ta inai man e zor te llan pe suako rig. Ta i o Del phenda mange kai ni kanakhav o Jordan.#Nm 20.12. 3A o Del tumaro Gazda ka llal angla tumende ta ka zatril gole phuvien angla tumende trisardae sai tumen zivin ande lenge phuvia. O Josue ka llal angla tumende sar birovi gia sar phenda le o Del. 4O Del ka cherel gale phuvienchar isto gia sar cherda ando Sijon ta ando Og, e charura katar e amorreura ta lenge phuvienchar kai l ka cherel gale phuvien te perenzatrisarda.#Nm 21.21-35. 5Ta kana o Del ka del len ande tumare va tumen morabi te cheren sa so phendem tumenge. 6Te avel tumen zor ta te aven tromane te na daran lendar, soke o Del tumaro Gazda si kai llal tumenchar, ni ka llaltar tumendar ta ni ka mukel tumen.
7Mapalal o Moises ikharda e Josuee ta phenda leke angla sa o Israel: Te avel tut zor ta te ave tromano, soke tu ka de gale foroia kai e phuv kai o Del jala sovel tumare puranenge kai ka del la tumenge ta tu ka chere te sai len la peke.
8Ta o Del llal angla tute vou ka avel tuia ta ni ka llaltar tutar ta ni ka mukel tut goleke te na dara ta te ave tromano.#Jos 1.5; Ebr 13.5.
Chitilpe o zakono ando burs kai prostilpe o unllilipe
9Ta o Moises pisisarda gava zakono ta dia le kai e popura levita kai von sea kai inllarena e arka katar e alava e Devleke ta kai sa e phure katar o Israel. 10Mapalal o Moises dia len gala alava so te cheren: Suako efta burs kana ka avel o burs katar o prostipe katar o unllilipe, kana cherdon e cherorra e patrenchar.#Dt 15.1; 16.13-15.
11Kana sa e israelita ka chidiniaon angla o Del cho gazda po than kai vou esvirisarda, ka chitilpe gava zakono angla sae israelita te asunen. 12Saurre morabi te chidiniaon e murus e diskinie e minone ta e llene kai aven katar aver phuvia kai zivin ande tumare forura te sai asunen kana ka chitin o zakono ta te sikon te kanden ta te daran e Devletar tumaro gazda ta te thoven pe te kanden sa gala alava katar o zakono. 13Gia lenge chaurre kai ni pinllarde gava zakono ka asunen le ta ka sikon te daran katar o Del tumaro Gazda sa e llivesa kai ka zivin ande phuv kai si pe ogoia rig katar o Jordan, kai llan te len e phuv.#2 R 23.2; Nej 8.1-8.
E alava kai phenda o Del e Moiseseke
14Mapalal o Del phenda e Moiseseke:
Avel pase o llive katar cho meripe, goleke ikhar e Josuee ta aduricharen man ande chara kai chidiniaon te sai phenav tumenge so te cheren O Moises ta o Josue llele kai e chara kai chidiniaon.
15Ta kote sikadilo lenge o Del ande iek oblako kai thodape kotar katar del ande chara. 16Ondaka o Del phenda e Moiseseke:
Akana tu ka sove che puranenchar ta gava foro ka vazdiniaol ta ka kurvinpe e delenchar kai si avere phuvienge kote kai llan te aven po maskaral katar goia phuv ta ka muken man ta ka phagen e alava pe so achile lea.
17Ta ka phabol mi joli pe lende ande gua llive ta ka mukav len ta ka guruvav lendar mo mui ta ka aven zatrime ta ka aven pe lende but bilachipe ta nuzde ta ka phenen ande gua llive: ¡Sa gava bilachipe avila pe amende soke ode Del inai maskar amende! 18A chachimaia kana ka aven gala ezgode me ka dav len e zea pala sa o bilachipe kai von ka cheren ta soke lleletar pala averenge dela.
19Goleke pisin gaia llili. Ta isto tu sikav la e israelenge te sai llilaben la ta gia te sai phenel o chachipe katar lengi dos. 20Soke me ka nakhavav len ande phuv kai jalem sovel tumare puranenge, phuv kai o thud ta o aullin llan sargo pai ta von ka jan lligo ni ka chalion ta ka thulion ta ka llan pala averenge dela ta ka blagosil len ta ka cheren man te joliaivav ta ka phagen me alava kai achilem lenchar. 21A kana ka aven pe lende but zatranie ta nuzde gaia llili ka phenel lengi dos isto pe lengo mui soke lengo porodo ka delpe golli katar gaia llili ta ka llilaben la. Soke me llanav mai anglal so mangen te cheren mai anglal te nakhavav len ande phuv kai jalem lenge sovel kai ka dav len.
22Isto gua llive o Moises pisisarda gaia llili ta sigada la e llenenge katar o Israel.
23Ta o Del phenda e Josueke chaurro katar o Nun so te cherel gale alavenchar: Cerchuke zor ta te ave tromano, soke tu ka nakhave e foro katar o Israel ande phuv kai jalem lenge sovel kai ka dav len ta me ka avav tuia.#Nm 27.23; Jos 1.6.
E alava te guruven o zakono pasa e arka
24Kana o Moises gotovisarda te pisil e alava katar gava zakono ande iek lil 25Phenda e levitaonenge kai inllarena e arka katar e alava e Devleke kai achilaia lenchar:
26Len gava lil katar o zakono ta thoven le pe iek rig katar e arka katar e alava kai achila o Del tumaro Gazda tumenchar te achel kote te dosarel tumen. 27Soke me llanav kai tumen sen iek foro kai ni kanden ta kai sen zurale soreke ta i kana allive ziviu tumenchar tumen vazdiniaon po Del ¿A so ka avelpe kana me ka merav? 28Goleke akana chiden sa e phuren katar tumare viche ta tumare sudonen te sai dav lenge orba ta ka thovav o miloso ta e phuv te sai dosaren tumen. 29Soke me llanav kai kana ka merav tumen ka murin tumen ta ka durion katar o drom kai phendem tumenge te llan ta ando vreme mai angle ka avel pe tumende baro bilachipe, soke cherden o bilachipe angla e akha e Devleke ta ka cheren e Devle te joliaol tumenchar.
O llilabipe e Moiseseko
30Ondaka o Moises dia orba sa e israelenge gala alava katar gaia llili lligo ni phenda sa e alava katar goia llili.
Currently Selected:
Deuteronomio 31: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
