Deuteronomio 30
30
O prostipe ta o blagosipe
1Kana sa gala ezgode ka aven pe tumende, o blagosipe ta e armaia kai diem tumen te ezbirin ta te keina tumen maskar sa e phuvia kai chudia tumen o Del tumaro Gazda, 2ta te irina tumen kai o Del tumaro Gazda ta te kandena le sa tumare liea ta sa tumare zivotoia tumen ta tumare chaurre gia sar me allive phenav tumenge te cheren, 3Ondaka o Del tumaro Gazda ka cherel te irinpe e llene kai achile ando lallao ta ka avel leke zao tumendar ta pale ka chidel tumen katar sa e phuvia katar rispisarda tumen. 4A e llene tumare i te avena rispime pe riga mai dur katar e phuv, kote ka llal o Del tumaro Gazda te anel len. 5O Del tumaro Gazda ka cherel te irin tumen kai e phuv kai tumare purane lie te avel lengi ta ka avel tumari ta e phuv ka avel lachi tumenchar ta kote ka bariol tumaro porodo mai but neko tumare purane. 6Ta o Del tumaro Gazda ka sirkunsidil tumare lie ta tumare porodoke te sai volin le sa tumare liea ta sa tumare zivotoia, gia te sai avel tumen zivoto.#Dt 10.16; Jer 4.4; Ro 2.25-29. 7O Del tumaro Gazda ka thovel sa gala armaia pe tumare dusmanura ta pe llene kai marde tumen jolinaia, 8ta tumen pele ka asunen e Devleko avazi ta ka kanden sa e alava kai allive phenav tumenge te cheren. 9Ta o Del tumaro Gazda ka blagosil tumen pe sa so thovena tumare va te radin ka blagosil tumare chaurren ta i tumare zivirinien kai ka biandon ta i e septelie katar so ka del tumari phuv. Ta o Delpale ka veselil pe tumenchar gia sar veselilape tumare puranenchar, 10samo te kandea o avazi e Devleko tumaro gazda ta te kandea leke alava ta so si te cheren kai si ando pisipe ande gava lil katar o zakono. Samo te irina tumen sa tumare liea ta sa tumare zivotoia kai o Del tumaro Gazda.
11Soke gava alav kai dav tumen allive inai ia pharo te cheren le ta inai ia dur tumendar te cheren le. 12Inai ando miloso de phene: ¿Ko ka likel pala amende ando miloso, te sai anel le amende te asuna le ta de kanda le? 13Ta inai pe ogoia rig e mora te phene: ¿Ko ka nakhel pala amende pe ogoia rig e mora te anel le amende te sai asuna le ta te sai kanda? 14A o chachipe e alava si but pasa tumende: Si ande cho mui ta ande che lio te sai kande len.#Ro 10.6-8.
15Dik, me thoden angla tumende allive o zivoto ta o lachipe, o meripe ta o bilachipe, 16so me phenav tumenge allive si te volin e Devle tumaro gazda, te llan pe leke droma ta te kanden leke alava, leke zakonura ta so si te cheren, ka zivin ta ka avel tumen but churre ta o Del tumaro Gazda ka blagosil tumen ande phuv kai ka lel. 17A te na thovena sama sa gale ezgodenge ta te mukena tumen te jasaon ta te dena changa angla e dela te blagosin len, 18Isto akana phenav tumenge kai ka meren, ande phuv kai ka dobin kana ka makhen o Jordan te len e phuv. 19A llive thovav e miloso ta e phuvia te phenen o chachipe te dosaren tumen kai thodem angla tumende, o zivoto ta o merepe, o blagosipe ta e armaia. Ezbirisaren o zivoto, te sai zivin tumen ta tumaro porodo. 20Volin e Devle tumaro gazda ta thoven sama leke avazeke ta llan pala lete, soke vou si o zivoto tumenge ta bariel mai but tumaro zivoto pu phuv kai o Del jala sovel tumare puranenge, e Abrameke e Isaakeke ta e Jakobeke, kai ka del la tumenge.#Jen 12.7; Jen 26.3; Jen 28.13.
Currently Selected:
Deuteronomio 30: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
