Deuteronomio 3
3
O Israel dobil e Ogno charo katar o Basan
Nm 21.31-35
1Mapalal istardam aver drom ta llelam ando Basan. A o Og o charo katar goia phuv, llelo te maladol amenchar te marelpe vou ta sa leko foro ando Edrei.
2Ondaka o Del phenda mange: Na dara letar soke le ta sa leke foro ta sa leki phuv diem len ande che va, te chere lea isto so cherdan e Sijonnea charo katar e amorreura, kai zivila ando Jesbon.
3Gia si sar o Del amaro gazda cherda te perel ande amare va o charo Og ta sa leko foro ta dobisardam len lligo ni zatrisardam saurren. 4Ta dobisardam sa lenge foronen ta lian len sa ni iek ni muklam. Sa e forura kai liam sea sovardes forura sa e forura katar e phuv katar o Argod katar e charoina katar o Og, ando Basan. 5Sa gala forura sea zurale sea len bare zidura vazdine sea len udara ta sinlliria bi te chindol but aver forura kai ni sea len zidura vasdine. 6Ta zatrisardam len gia sar cherdam le e Sejonenea charo katar o Jesbon, kana mundardam ando foro e murusen e diskinien ta e minonen,#Dt 2.34. 7ta achilam samo e zivirinienchar ta ezgode kai mola len katar amare dusmanura.
8Gia ande gua vreme lian e phuv katar o pai katar o Arnon llik kai o burdo katar o Jermon liam la katar e va katar e dui charura amorreura kai sea pe gaia rig katar o Jordan. 9Gava burdo e sidoniosura ikharen le Sirion, a e amorreura ikharen le Senir. 10Sa e forura katar e umalia ta sa o Galaad ta o Basan, llik ande salka ta o Edrei, forura kai sea katar o Og, ando Basan, liam len amenge. 11Samo o charo Og achela katar e refaitas. Leko kerveto saia sastruno ta saia le star pole lungimatar ta dui pole bulimatar, gia sar dikhol llik allive ando Raba o foro katar e chaurre katar o Amon.#Dt 2.10-11.
E viche kai llele te zivin karing likel o kham katar o Jordan
Nm 32.1-42
12Ta e phuv kai liam ande gua vreme, katar o Aroer, kai si pasa o pai katar o Arnon ta o dopas katar o burdo katar o o Galaad leke forenchar diem la e rubenitasuren ta e gaditasuren. 13Ta so achel katar e charoina katar o Og ta sa e phuv katar o Argod kai ikhardola e phuv katar e bare llene, diem la kai o dopas katar e vicha katar o Manases. 14O Jair chaurro katar o Manases lia sa e phuv katar o Argob llik kai resel ando Jesur ta o Maaka ta ikhardala pe po anav, Basan Javot Jair, llik akana. 15O Makir diem le e phuv katar o Galaad, 16Ta e viche katar o Ruben diem len e phuv maskar o Galaad ta o pai katar o Arnon kai resel llik po maskaral katar e umal ta llik kai o pai katar o Jabok kai pasa e phuv katar e amonitas. 17Katar likel o kham diem len e phuv katar o Araba, ta e rig katar o burdo Pisga, kotar katar likel o kham e phuv kai resel kai o pai katar o Jordan kai llal katar o pai achadino kai ikhardol Kineret llik kai e mora katar e Araba kai si e mora e Muli.
18Ande gua vreme diem tumen gala alava te cheren: O Del tumaro Gazda del tumen gaia phuv ta avel tumari. Sa e llene kai llanen te marenpe ka llan lacharde po maripe angla pe phlal e chaurre katar o Israel. 19Samo ka achen ende forura kai diem tumen e dikinie, e minone ta e but zivirinie kai me llanav kai si tumen. 20Ta so me o Del ni dava tumare phlalen o esmiro kai dien tumen ta lligo ni von lena e phuv kai ka dav len pe ogoia rig katar o pai o Jordan, ni tumen nasti ka irin tumen ande phuv kai dien tumen.
21E Josue diem le gala alava te cherel:
Isto che akhenchar dikhlan sa so chiro Del cherda gale duie charonenchar ta isto gua ka cherel sa e phuvienchar katar tu ka nakhe. 22Te na dara lendar soke o Del cho gazda ka marelpe pala tumende.
O Del ni mukel e Moisese te del ando Kanaan
23Ta ande gua vreme molisailem e Devleke ta phendem: 24Devla tu thodan te sikave che sluga cho baripe ta cho va o zuralo, soke ¿Savo del si ando miloso ni pe phuv te cherel pe kabor ezgode bare sargo chire? 25Moliman chuke te muke man te nakhav pe ogoia rig katar o Jordan, soke mangav te dikhav goia phuv lachi gia phuv burdonengi ta o Libano. 26A o Del jolailo manchar pala tumari dos ta ni kamla te del man somanglem letar ta phenda mange:
Achi na de mange ios gaia orba. 27Like chak upre katar o burdo Pisga, ta kotar dik karing o norte ta o sur katar likel o kham ta katar perel o kham, a o Jordan ni ka nakhe le.#Nm 27.12-14; Dt 32.48-52. 28Sikav e Josue. Ta dele zor, soke vou ka llal anglal katar o foro ta ka cherel le te len peke e phuv kai akana ka dikhe.
29Ta achilam ande umal, kai si angla o Bet Peor.
Currently Selected:
Deuteronomio 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
