Deuteronomio 26
26
E ofrenda katar e purve septelie
1Kana ka den ande phuv kai o Del tumaro Gazda ka del tumen te avel tumari ta kana ka zivin ande late, 2ka len e purve septelie katar so dela tumen e phuv kai o Del tumaro Gazda del tumen ta ka thoven len ande iek kotaricha ta ka llan po than kai o Del tumaro Gazda ezbirila te thovel po anav. 3Ta ka ave kai o popo kai avela kote ande gola llivesa ta ka phene leke:
A llive me phenav, angla o Del mo gazda kai diem ande phuv kai o Del jalaia sovel amare puranenge kai ka del la amenge. 4Ondaka o popo ka lel katar cho va e kotaricha kai andan ta ka thovel la angla o altar katar o Del cho gazda, 5ta ka phenel angla o Del cho gazda gala alava:
Me purane sea cherricha llene kai sea arameura kai llana pe droma ta kai lleletar ando Ejipto ta kai achile incha te zivin ta kote cherdile iek foro baro, zuralo ta baro sueto. 6A e ejipsiura dukhade amen ta pezor cherde amen te ava lenge sluge. 7Ondaka molisailam e Devleke o gazda amare puranengo te sai pomozil amen ta vou asunda amaro molipe ta dikhla amari duk amaro rado pharo ta sar dukhaven amen, 8ta o Del ikanda amen katar o Ejipto pe zurale vastea ta cherda te dikhon bare ezgode Devlikane ta darane, 9ta anda amen pe gava than ta dia amen gaia phuv kai o thud ta o aullin nakhen sargo pai. 10Goleke anav akana e purve septelie katar e phuv kai o Del dia man.
Ta ka thove e kotaricha angla o Del cho gazda ta ka de changa angla le te blagosi le. 11Ta mapalal katar gala ezgode ka chere slava tu ta chi familia ta e levita ta e llene kai aven katar aver phuvia kai zivin maskar tumende.
E Ofrenda katar o diesmo katar sa
12Kana ka de o diesmo katar sa che septelie ando trito burs, o burs katar o diesmo, ka de i e levita, e llene kai avel katar aver phuv kai zivin maskar tumende, e llene kai inai le dada ta e phivlien, ta ka jan ande tumare forichura ta ka chalion. 13Ta ka phene angla o Del: cho gazda:
Ia ikandem katar mo cher e septelie kai si te aven dine ta fuladem la maskar e levita ta e llene kai aven katar aver phuvia ta kai zivin maskar amende ta i maskar e llene bi dadengo ta e phivlia.
14Ni jalem niso kana sema zalosno o kana sema pokalime, ta ni dien len e mulenge. Devla mo gazda, kandiem tut ta cherdem sa so phendan mange te cherav. 15Dik katar o miloso, katar cho cher santo ta blagosisar che foro e israele ta e phuv kai dian amen kote kai o thud ta o aullin nakhen sargo pai isto gia sar jalan sovel kai ka avel amare puranenge.
O Israel, iek foro dino e Devleke
16O Del cho gazda phenel chuke allive te kande gala zakonura ta gala alava, cher len sa che liea ta sa che zivotoia. 17Tu phendan allive kai o Del si cho gazda, ta jalan sovel te lla pe leke droma ta te kande leke zakonura, leke alava ta so phenda te chere ta te kande len suako drom ta kai ka asune leko avazi. 18Ta i o Del phenda allive kai tu Israel, san leko gia sar phenda le chuke te sai guruve sa leke alava,#Ek 19.5; Dt 4.20; 7.6; 14.2; Tit 2.14; 1 P 2.9. 19Vou ka cherel tutar iek foro mai baro, mai asundo ta mai liubao ka avel le mai but neko sa e forura kai cherda ta ka ave gia sar phenda le, iek foro dino e Devleke cho gazda.
Currently Selected:
Deuteronomio 26: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
