Deuteronomio 27
27
E barra te denpe golli po burdo Ebal
1O Moises ta e phure katar o Israel die gala alava te cherel e foro:
Kanden sa e alava kai dien tumen allive. 2Kana ka nakhen o pai katar o Jordan ta ka den ande phuv kai o Del tumaro Gazda ka del tumen, ka vazden iek barra bare ta ka parrniaren len, 3te sai pisin pe lende sa e alava katar gava zakono, cheren le samo ka den ande goia phuv kai o tut ta o aullin llan sargo pai, gia sar o Del o gazda tumare puranengo phenda tumenge. 4Goleke kana ka nakhen o pai katar o Jordan, morabi te vazden po burdo Ebal e barra kai phendem tumenge ta te parrniaren len. 5Ta kote ka vazde iek altar e Devleke cho gazda. 6E barra morabi te len len gia sarsi ta te na radi len. Kote, pe gua altar, ka den e Devle tumaro gazda kurbanura#Ek 20.25. 7ta ofrenda katar e pas, ta kote angla o Del tumaro Gazda ka jan ta ka cheren slava. 8Ta ka pisi pe gola barra te achardol sukar sa e alava katar gava zakono.#Jos 8.30-32.
9Mapalal o Moises e poponenchar levita, phenda sa e israelenge gala alava:
Na den orba ta asunen. A llive tumen cherdilen o foro e Devleko tumaro gazda. 10Goleke morabi te kanden le ta te cheren leke alava ta leke zakonura kai me phenav tumenge te cheren allive.
E armaia po burdo Ebal
11Isto gua llive o Moises phenda e foroke so te cheren ta phenda:
12Kana tumen ka nakhen o pai katar o Jordan, e viche katar o Simeon, Levi, Juda, Isakar, Jose ta o Benjamin ka thoven pe po burdo Gerisim te sai blagosin e foro,#Dt 11.29; Jos 8.33-35. 13ta e viche katar o Ruben, Gad, Aser, Zabulon, Dan ta Neftali ka thoven pe po burdo Ebal te phenen e armaia. 14E levita ka den orba sa e israelenge ta bare avazea ka phenen gala alava:
15Proketo te avel gua kai ka cherel iek del katar o sastri biladino cherdo katar o va iekhe manuseko kai radil ande gola ezgode ta thovel le pe iek rig gurudino, soke pe gua murzil o Del. Ta sa o foro ka phenel: Gia te avelpe.
16Proketo te avel gua kai ni del liubao pe dade o pe da. Ta sa o foro ka phenel: Gia te avelpe.
17Proketo te avel gua kai pharruvel e bar e lleneki kai zivil pasa le te sai chorel letar phuv. Ta sa o foro ka phenel: Gia te avelpe.
18Proketo te avel gua kai cherela iekhe corre te jasaol katar o drom. Ta sa o foro ka phenel: Gia te avelpe.
19Proketo te avel gua kai del upral po zakono katar o lleno kai avel katar aver phuvia o katar iek phivli o katar iek lleno si bi dadengo. Ta sa o foro ka phenel:
Gia te avelpe.
20Proketo te avel gua kai sovela pe dadeke rromiaia, soke golea ni del liubao pe dade. Ta sa o foro ka phenel: Gia te avelpe.
21Proketo te avel gua kai amilape iekhe ziviriniaia. Ta sa o foro ka phenel: Gia te avelpe.
22Proketo te avel gua kai sovela pe phioraia, i te avela katar e rig e dadeki o e daki. Ta sa o foro ka phenel: Gia te avelpe.
23Proketo te avel gua kai sovela pe suegraia. Ta sa o foro ka phenel: Gia te avelpe.
24Proketo te avel gua kai mundarela po chorial avere llene. Ta sa o foro ka phenel: Gia te avelpe.
25Proketo te avel gua kai le la love te mundarel avere llene kai inai dosalo. Ta sa o foro ka phenel: Gia te avelpe.
26Proketo te avel gua kai ni kandela gala alava, te ni cherela len. Ta sa o foro ka phenel: Gia te avelpe.
Currently Selected:
Deuteronomio 27: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
