Deuteronomio 25
25
1Te avela iek chingar maskar tumende, morabi te llan kai e kris te sai krisin tumen, ta e krisaria ka phenen ko si chacho ta ko ni saia chacho ta ka krisin e llene kai cherda o bilachipe. 2Ta te trubula e llene kai cherda o bilachipe te maren le e bichoia, ondaka o krisari ka cherel te thovelpe pe phuv, ta ka cherel te maren le e bichoia angla lete, ta prema e bilache ezgode kai cherda ka maren le e bichoia, 3llik kai e saranda droma sai ka chalaven le e bichoia ta te na chalaven le ios te na dukhaven le pe gachin ta te na den le ando lallao angla tumende.
4Na achaven e guruve te jal kana drobol o lliu.
O zakono katar e phivlia
5Kana dui phlal zivina ande iek cher ta iek lendar merela ta leki rromi ni avilala chaurro e phivli nasti ka zinilpe ni save murusea katar aver familia. O phlal katar lako rrom morabi te lel la pala pe gia te cherel o zakono soke si lako kuniado. 6O purvo chaurro kai ka maladol lake ka thoven leko anav po anav katar o phlal kai mulo gia te na jasaol leko anav katar o Israel. 7A gua lleno te na mangela te zinilpe pe kuñadaia, voi ka avel kai e kris ta ka phenel e phurenge: Mo kuñado ni kamel o anav leke phlaleko te achel llundo ando Israel, ni kamel te cherel manchar o zakono katar o kuñado. 8Ondaka e phure e foroke ka ikharen le ta ka den orba lea ta vou pale te phenel kai ni kamel te zinilpe laia, 9ondaka leki kuñada ka avel pasa le ta angla sa e phure ka ikanel e sinela katar leko porrno ta ka chungardel le pe leko mui ta ka phenel: ¡Gia ka cherdol e llenea kai ni kamel te del porodo pe phlale! 10Ta leki familia ka avel pinllardi ando Israel pe gava anav e familia katar o lleno bi miniengo.
Aver zakonura
11Te avena dui llene kai marenpe ta avela e diskinia katar iek lendar te pomozil pe rrome ta istarela ogole llene katar leko lallaipe, 12tumen ka chinen bi zaoia gole diskiniake te chinen lako va.
13Ni ka inllare pasa tu pesa bari ta pesa minoni, 14ta ni ande cho cher te na avel tut efa bari ta ni minoni. 15Morabi te avel tut pese chachune kai phariaven chachimaia gia te sai zivin but burs ande phuv kai o Del tumaro Gazda ka del tumen. 16Soke o Del murzil pe gola llene kai cheren gala ezgode ta kai kojaven.
O meripe katar e amalesita
17Den tumen golli so cherda tumenge o Amalek kana sena po drom, kana likisten katar o Ejipto, 18Den tumen golli sar bi daraia katar o Del llelo te marelpe tumenchar po drom kana tumen sena chinie ta bokhale ta llelo palal pala tumende te marelpe e llenenchar kai achilea mai palpale kai sea chinie ta kovle. 19Goleke, kana o Del tumaro Gazda ka braduil tumen katar sa tumare dusmanura kai si truial, ande phuv kai o Del tumaro Gazda ka del tumen te avel tumari, morabi te zatri sa e porodo katar o Amalek telal katar o miloso, na bristaren tumen.#Ek 17.8-16; Nm 24.20; 1 S 15.2-3; Dt 6.20-25; Jos 24.2-13.
Currently Selected:
Deuteronomio 25: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
