Deuteronomio 24
24
E zakonura kana mukenpe
1Kana vareko zinilape iekhe diskiniaia ta mapalal malavela varesavo bilachipe ande late, ondaka ka pisil lake iek lil kai mukelpe, ta ka del gua lil ande lake va ta ka tradel la katar po cher. 2Ta voi kana llalatar katar o cher sai ka zinilpe averea, 3a o duito rrom te na mangela te zivil laia ta te pisila lake iek lil te mukel pe katar ta te dela gua lil ande lake va ta te trade la katar po cher o merela gua duito rrom kai lia la, 4ondaka ko saia lako purvo rrom nasti ka zinilpe pale laia soke voi sovti averea, te cherea gaia ezgoda avela iek bilachipe angla o Del tumaro Gazda ta na murin e phuv kai o Del tumaro Gazda del tumen te avel tumari.
Aver zakonura
5A te cherela cherricha kai iek lleno zinisailo, nasti ka llal po maripe ta ni ka thoven le te cherel niso iek burs gia ka avel ande po cher te sai veselil pe rromia kai lia.
6Kana vareko mangela tumendar unllile na le leko molino barrengo te sai pochinel chuke soke te cherena le gua lleno ni ka avel le sar te drobol o lliu te cherel o marrno ta sai merel bokhatar.
7A kana iek israelita chorela iekhe manuse kai si katar pi phuv te cherel le sluga o te bichinela le, gua chor morabi te chinel leke te avel mundardo, gia ka ikanen o bilachipe maskar tumende.
8A katar o nasualipe katar e lepra cheren sa sar phende tumenge e popura levita. Morabi te cheren le gia sar me phendem lenge te cheren le.#Lv 13.1—14.54. 9Den tumen golli so cherda o Del tumaro Gazda e Mariake po drom mapalal kana tumen likisten katar o Ejipto.#Nm 12.10.
10Kana ka den unllile iekhe llene kai si katar tumari phuv na den ande leko cher te len vareso te sai pochinel tumenge. 11Achen avri ta aduricharen vou te ikanel so ka del te sai pochinel. 12A gua lleno te avela chorro ni ka achel tute goia riat e ezgoda kai dia te pochinel, 13morabi te irin le leke kana ka perel o kham, gia te sai ucharelpe pe gertachea kana ka llal te sovel. Gia vou ka blagosil tumen ta tumen ka cheren iek ezgoda lachi angla o Del tumaro Gazda.#Ek 22.26-27.
14Kana ka den rado iekhe llene kai si chorro pochinen leke so trubul, i te avela katar chi phuv o te avela katar aver phuvia ta kai zivila ande chi phuv andre ande tumare forura. 15Pochinen leke isto gua llive mai anglal te perel o kham, soke si chorro ta trubul le gola love te sai zivil. A tena cherea le vou ka phenel le e Devleke ta tumen ka aven dosale katar iek bilachipe.#Lv 19.13.
16Nasti ka chindol e dadenge te meren pala e dos katar so cherde lenge chaurre ta ni e chaurre pala e dos katar so cherde lenge dada, soke suako manus ka merel pala piri dos katar piro bilachipe.#2 R 14.6; 2 Kr 25.4; Jer 31.29-30; Ez 18.1-20.
17Na cher tut bilacho e llenenchar kai si katar aver phuv ta ni e llenenchar kai inai len dei ni dad. Te dena unllile iekhe phivlia na le lake patave te sai pochinel. 18Na bristaren tumen kai tumen sena sluge ando Ejipto ta kai o Del tumaro Gazda ikanda tumen kotar, gole phenav tumenge te kanden sa gala ezgode.
19Kana ka chiden tumare septelie katar tumare umalia te bristarena tumen te chiden iek guzma lliveki te na irin tumen te len la, muken la te sai lel la iek lleno kai avel katar aver phuv kai zivil maskar tumende, o varesavo lleno kai inai le dei ni dad, o varesavi phivli, gia te sai blagosil tumen o Del tumaro Gazda pe sa so thovena tumaro va te radin.
20Kana ka chiden e maslinke katar tumare kasta, na chide pale katar e grangura kai nakhlan, e maslinge kai achena muken len e llenenge kai aven katar aver phuvia, e llenenge kai i nai len dada ta e phivlienge.
21Kana ka chide e drakha katar cho vostano ni ka rode pala tu pe suako patrin, so achela muken len e llenenge kai aven katar aver phuvia, e llenenge kai i nai len dada ta e phivlienge. 22Den tumen golli kai i tumen sena sluge ando Ejipto, goleke phenav tumenge te kanden sa gala ezgode.
Currently Selected:
Deuteronomio 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
