Deuteronomio 23
23
E llenen kai traden katar e konpaia
1Nasti kaden ando santuario e Devleko ka ke pele si chaladine o vareko kai si chindo vareso katar leki esnaga.
2O chaurro basdardo nasti ka del ando santuario e Devleko i kana nakhena des viche.
3E amonita ta e moabita nikada ni ka muken len te den ando santuario e Devleko, im kana nakhena des viche, 4soke kana tumen nakhlen katar lengi phuv kana likisten katar o Ejipto, von ni die tumen pai ni jape ta i pochinde e Balaameeke chaurro katar o Beor, kai avela katar o Petor katar e Mesopotamia, te sai del tumen armaia.#Nm 22.1-6. 5A o Del tumaro Gazda ni asunda e Balaamee, ta leke armaia parruda len ando iek blagosipe tumenge, soke volil tumen.#Nm 23.7—Nm 24.9. 6Goleke na roden lengi pas ta te aven sukar ande sa lenge llivesa ostade.
7A na murzisar pe edomita, soke si familie tumare ta ni pe ejipsiure, soke tumen zivisarden ande lengi phuv, 8O trito vicha katar lenge chaurre sai ka den ando santuario e Devleko.
E zakonura katar o chistope
9Kana ka llan te maren tumen tumare dusmanenchar arakhen tumen te na cheren ni iek ezgoda bilachi. 10A te avela vareko tumendar kai inai chisto pala vareso kai nakhla orachaia ta achilo pokalime ka likel katar o pero ta ni kadel ande lete sorro llive. 11A kana ka perel e riat ka jalavel pe e paiea ta kana ka perel o kham sai ka del ando pero.
12A te llan tumenge ande u omal morabi te avel tumen iek than kai te llan avri katar o pero. 13Ande e ezgode kai ka inllaren morabi te inllaren tumenchar iek chilo te cheren iek jiu gia kana llan tumenge ande umal te sai prajon tumaro khul. 14Soke o Del tumaro Gazda llal truial tumendar ando pero, te sai arakhel tumen ta te cherel tumen te dobin tumare dusmanen, goleke tumaro pero morabi te avel santo, gia o Del te na dikhel ni iek ezgoda bilachi ande tumaro pero soke te dikhela vareso bilacho vou duriola tumendar.
Zakonura te arakhe
15Iek sluga te nasela katar po gazda ta te mangela tumendar te arakhen le, tumen te na den le kai leko purano gazda. 16Muken le te zivil tumenchar ando foro kai leke avela mai drago o po than kai vou ezbirila ta niko te na aminpe lea.
Te na ridin ando kurvaluko
17Maskar e chorra katar o Israel te na aven kurvichke. Maskar e chaurre katar o Israel te na aven murusa kai kurvinpe murusenchar. 18Na inllar kai o cher e Devleko tumaro gazda e love kai dobisarde po kurvaluko te sai den le ofrenda soke die po lav te den le e Devleke, soke o Del murzil pe gala ezgode.
19Ni ka mangen interes katar iek lleno katar tumari phuv pala so dien le unllile, avela love o jape pala vareso kai dien le unllile te sai len interes. 20E llenenge kai inai katar tumari phuv sai ka mangen interes pala so dien le, a nasti kacheren le iekhe llenea kai si katar tumari phuv. Gia o Del tumaro Gazda ka blagosil tumen pe sa so cherena ande phuv kai ka zivin.
21Kana ka den tumaro alav e Devleke tumaro gazda oma te cheren so phenden soke chachimaia o Del tumaro Gazda ka mangel tumendar te cheren so phenden soke te na cherena le avena dosale katar iek bilachipe. 22A te na dena tumaro alav pe niso ni ka aven dosale katar niso, 23A so likela katar tumaro mui te cheren e Devleke tumaro gazda ka cheren le ta ka den goia ofrenda kai phenden.
24Kana ka de ando vostano drakhako kai si avere lleneko sai ka ja drakha lligo ni ka chalio a ni ka thove len ande chi kotaricha. 25A kana ka de ando vostano avereko kai si lliu, sai ka ikane o lliu e vastenchar a nasti ka chine le e jarniea bangardo.
Currently Selected:
Deuteronomio 23: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
