Deuteronomio 19
19
E forura kai de gorudon
Nm 35.9-28; Jos 20.1-9
1Kana o Del cho gazda ka zatril e phuvien ta ka del tumen te len e phuvia kai akana si lenge ta tumen ka zivin ande lenge forura ta ande lenge chera, 2Ta ka thove pe iek rig trin forura maskar e phuv kai o Del tumaro Gazda del tumen,#Jos 20.1-9. 3ta ka lacharen e droma kai llan lende. Ta i ka fulaven pe trin e phuv kai o Del tumaro Gazda ka del tumen, gia vareko te mundare la vareka sai ka gurudol ande varesave katar gala forura. 4Ko mundarda sai ka nasel kote te braduil po zivoto, te sikavela kai ni kamela te cherel le ta kai ni saia le ni iek joli pe gua lleno kai mundarda. 5Thou kai iek lleno llal averea ando vos te chinel kasta ta kana chalada ando kas, jutel o tover ta chalave la ogole llene ta mundarela le, sai ka nasel ande iek katar gala forura ta gia sai ka braduil po zivoto. 6A gua foro te gurudol te avela dur, iek lleno kai si familia pase katar gua lleno kai mulo, kai mangela te ikanel leki duk, ka llal bare jolinaia pala gua lleno kai mundarda le ta sai malavel le ta sai ka mundarel le, kana gua lleno ni saia soke te mundaren le, soke nikada ni sea joliareki. 7Goleke phenav tumenge te thoven pe iek rig trin forura, 8ta kana o Del tumaro Gazda bariarela tumari phuv ta kana ka del tumen sa e phuv, gia sar phenda le tumare puranenge, 9ondaka tumen ka thoven pe iek rig trin forura kai te gurudon pe trin kai ia si tumen, te kandena gala alava kai allive dav tumen, te volin e Devle tumaro gazda ta te lla pe leke droma suako llive. 10Te na peradol rat kai inai dosalo ande gaia phuv kai o Del tumaro Gazda del tumen te avel tumari ta ni ka perel e dos pe tumende katar nisavo meripe.
11A iek manus te murzila pe aver ta llala pala lete ta vazdiniaola pe lete ta te mundarela le, ta mapalal nasela ande iek katar gala forura kai gurudon, 12ondaka e phure katar leko foro ka phenen te phanden le ta te den le kai e familia kai si mai pase katar gua kai mundarda, te sai avel leke chindo te merel. 13Te na avel tumenge zao letar, ta gia ka cheren te peradol rat kai inai le dos ando Israel. Ondaka sa e ezgode ka llal tumenge sukar.
14Ande phuv kai o Del tumaro Gazda ka del tumen, ka den liubao e phuv kai si e lleneko kai zivil pasa tumende gia sar e purane die e phuv.
O zakono e llenenge kai den orba kojamni
15Ni ka mol samo soke iek lleno dosarela avere pala iek meripe o iek bilachipe. Ka mol e dos kana phenena le dui o trin llene.
16Kana ka vazdiniaol iek lleno te dosarel avere kojaimaia, ta dosarela le katar varesavo bilachipe, 17ondaka e dui llene ka aven angla o Del ta angla e popura ta angla e krisaria kai ande gola llivesa avena. 18E krisaria ka thoven but sama ta te avela e orba kojamni kai dia te dosarel avere llene, 19ondaka ka cheren lea so vou mangela te cherel ogole llenea. Gia ka ikanen o bilachipe kai si maskar tumende.#1 Kor 5.13. 20Ta gia kana ka llanen le ogola llene ka daran ta ni ka cheren pale iek ezgoda gia bilachi 21Te na avel tumenge zao. Zivoto po zivoto, iak pe iak va po va, porrno po porrno.#Ek 21.23-25; Lv 24.19-20; Mt 5.38.
Currently Selected:
Deuteronomio 19: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
