Deuteronomio 18
18
So ka len e popura levita
1E popura levita sa e vicha katar o Levi, ni ka len ando Israel phuv. Von morabi te pravarenpe katar e kurbanura phabarde e Devleke ta katar so len peren. 2Von ni ka len phuv sar ogola israelita soke lengi phuv si e o Del, gia sa vou phenda le.#Nm 18.20.
3Gava si o zakono kai si len e popura pe kurbanura guruvenge bakrenge kai die e llene, gala si: ka avel lengo e plieska, e falke ta iek kotor katar o lli,#Lv 7.31-34; 10.14; Nm 6.20; 18.18-19. 4ta i katar e purve septelie katar o lliu, e mol ta o zeitino, ta o purve bal kai chindon katar e bakre, 5soke o Del tumaro Gazda len esvirisarda maskar sa e viche te sai von ta lenge chaurre te radin ando liubao e Devleke.
6Kana iek levita katar varesavo foro tumaro, katar varesavi rig katar o Israel, ta te mangela te avel po than kai o Del esvirisarda, 7sai ka cherel kote po rado popoko ando anav e Devleko tumaro gazda gia sai cheren le leke phlal e levita kai avena kote angla o Del, 8ta ka den le isto gua jape kai len von.
E alava te na cheren ezgode bilache
9Ta kana ka den ande phuv kai o Del tumaro Gazda ka del tumen, na sikon e bilache ezgode kai cheren gola phuvia. 10Niko tumendar te na del kurbano pe chaurre ta te cherel le te nakhel katar e iag, ta te na thovenpe te duricharen ta te na phenen kai llanen so si te avelpe, ta te na thovena tumen te cheren chirimata#Ek 22.18; Lv 19.26. 11ta ni te gazdarin pe mislura ta ni te puchen e llenen kai cheren chirimate ta ni e llenen kai ikharen e duonen o e llenen kai puchen e mulen.#Lv 19.31. 12Soke o Del tumaro Gazda murzil pe gola llene kai cheren gala ezgode bilache. A o Del tumaro Gazda pala gala ezgode bilache si kai tradel angla tumende gale phuvien. 13Goleke tumen morabi te aven chache angla o Del tumaro Gazda. 14Soke gala phuvia kai tumen ka len lengi phuv von thoven sama gole llenenge kai phenen kai llanen so ka avelpe ta golenge kai cheren chirimate, a tumenge o Del tumaro Gazda ni mukel tumen te cheren gala ezgode.
O Del phenel kai ka avel iek profeta sargo o Moises
15O Del tumaro Gazda ka cherel maskar tumende te avel iek profeta sargo me, ta morabi te kanden le. 16O chachipe si kai gava si so tumen manglem e Devletar tumaro gazda kai o burdo Oreb, o llive kai sa chidinailen kote, ta phenden: Ni ka ma te asuna pale o avazi e Devleko amaro gazda ta te na dikha gaia bari iag, te na mera.#Dt 5.25-27. 17Ondaka o Del phenda mange: Sukar so phendem. 18Me ka cherav te likel maskar lende iek profeta sargo tu, te avel iek kai si katar lengi phuv ta te phenel lenge so me phenava leke te phenel. 19A vareko te na asunela me alava kai vou phenela me ka lachara man gole llenea.#Ech 3.22-23; Jn 1.21; 6.14; 7.40; Ech 3.22-23; 7.37. 20A o profeta kai falilape kai del orba ande mo anav ta te phenela vareso kai me ni phendem leke te phenel, o dela orba ando anav avere delengo, ka chindol pe leke te avel mundardo. 21A tumen te mislina: ¿A sar ka llana o gala alava kai phendepe inai e Devleke alava? 22A o profeta te dela orba ando anav e Devleko ta goia orba ni cherdola, gua si te sai dikhol kai o Del ni phenda leke, ta kai vou dia orba soke falilape, goleke te na dara letar.#Jer 28.9.
Currently Selected:
Deuteronomio 18: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
