Deuteronomio 20
20
O zakono katar o maripe
1Kana ka llan te maren tumen che dusmanenchar ta te dikhena Gra bordona ta iek foro mai baro neko tumen, te na daran lendar soke o Del tumaro Gazda si tumenchar kai ikanda tumen katar o Ejipto. 2Ta kana ka aven pase te maren tumen, o popo ka thovel pe pe porrne ta ka del orba e foroke, 3ta ka phenel lenge:
Asunen, israelita, allive ka maren tumen tumare dusmanenchar. Na peraven tumaro lio ta na daran. 4Soke o Del tumaro Gazda llal tumenchar te marel pe pala tumende tumare dusmanenchar te braduil tumen.
5Mapalal ka den orba e birovura, ta ka phenen:
A vareko tumendar te cherda iek cher nevo ta ni ios ni zivil ande lete, te irilpe ande po cher, te na avelpe kai sai merel po maripe ta aver ka zivil ando cher. 6A vareko tumendar te thoda te bariol drakha ta ni veselisailo latar, te irilpe kai po cher te na avelpe te merel po maripe ta aver ka avel te chidel e drakha. 7A vareko te zinisailo ta ni ios ni lia la pala pe te llaltar te irilpe kai po cher te na avelpe kai sai merel po maripe ta aver ka zinilpe laia.
8Mapalal e birovura pale ka den orba e foroke ta ka phenen: Vareko te si leke dar ta inai dromano, te llaltar kai po cher gia te na daravel pe phlalen. 9Ta kana e birovura ka gotovin te den orba e foroke. Ondaka e kapitane katar e boñikura ka len o gazdaripe katar o foro.
10Kana tumen ka aven pasa iek foro te maren tumen lenchar, o purvo morabi te phene lenge te avel e pas. 11Ta e llene katar o foro te mangena e pas ta mukena tumen te den andre, von ka aven tumare sluge po rado pharo. 12A tena mangena e pas tumenchar, ta phenena kai mangen te marenpe tumenchar, ondaka tumen ka thoven tumen truial katar o foro ta ka maren tumen lenchar. 13Ta kana o Del tumaro Gazda ka del le tumenge ka rrani lenge murusen e jarniea. 14Ta ka len tumenge samo e diskinien ta e minonen ta lenge guruva ta sa so avela ando foro ta sa lengo barvalipe ka len le tumenge ta ka ja katar o barvalipe tumare dusmanengo, kai o Del tumaro Gazda dia len tumenge. 15Ta gava tumen ka cheren sa e forenchar kai si dur tumendar ta kai inai katar e forura katar gala phuvia. 16A e forura katar gala phuvia kai o Del tumaro Gazda del tumen te aven tumare, ni iek manuse ni ka muke zivotoia, 17Tumen ka zatrin sa e llenen sargo kurbano e Devleke, e ititura, amorreura, kananeura, ferezeura, eveura ta jebuseura, gia sar o Del tumaro Gazda phenda tumenge te cheren. 18Gia von te na sikaven i tumen te cheren e ezgode bilache kai von cheren ando liubao pe delengo ta te cheren tumen te cheren bilachipe e Devleke tumaro gazda.#Dt 13.15-16; Jos 6.17.
19Te si te phande iek foro ta te mareto lea but llevesa te sai lele, na pherav lenge kasta e toverea, soke e kasta ka den tut te ja. Ta von si kasta e umaliake inai manusa te marenpe tumenchar. 20A e kasta kai tumen llanen kai ni den septelie sai ka peraven len te trubula tumen ta sai phanden lenchar o foro kai maren tumen lea lligo ni ka dobin len.
Currently Selected:
Deuteronomio 20: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
