Deuteronomio 17
17
1Ni ka de kurbano e Devle tumaro gazda ni iek guruv ni bakro te avel nasualo o vareso bilachipe, soke gua si leke gado.
2Kana ka maladol maskar tumende ande varesavo foro kai o Del tumaro Gazda del tumen llangliolape kai varesavo murus o diskinia cherena so e Devleke inai drago ta ni kanden e alava, 3ta llala te blagosil avere delen ta dela changa angla lende i te avela angla o kham, o chon o e cheraia, Gala si e ezgode kai o Del phenda te na cheren 4a te asunena kai cheren le thoven tumen te llanen sukar gala ezgode, ta te avela de istina kai cherde iek ezgoda ia gado ando Israel, 5ondaka ka inllaren kai e kris gole llene kai cherda gaia ezgoda bilachi ta ka chinen leke te avel mundardo e barrenchar.#Ek 22.20.
6Ka chindol te merel samo kana ka aven dui o trin llene kai dikhle le, nasti ka chindol pe nikake te avel mundardo samo soke iek lleno phenda kai dikhla le.#Nm 35.30; Dt 19.15; Mt 18.16; 2 Kor 13.1; 1 Ti 5.19; Ebr 10.28. 7Gola llene kai dikhle le ka aven e purve kai ka chuden barra te mundaren le mapalal sa o foro ka chuden barra, gia ka ikanen o bilachipe kai si maskar tumende.#1 Kor 5.13.
8Kana ka chinen iek kris kai si tumenge trupno te chinen la, sai avel katar iek meripe, o kai jalepe, o kai ranisarde pi esnaga o varesavi aver ezgoda kai nakhela ande tumaro foro, ondaka ka llan ando than kai o Del tumaro Gazda esvirisarda 9ta llan kai e popura ta kai e levitore ta kai o krisari kai ande gua vreme radil te sai phenen leke sa nakhla. Ondaka von si kai ka chinen e kris ta ka phenen chuke so si te chere, 10Ondaka tumen ka kanden len ta ka cheren sa prema so von chinde. 11Cheren sa prema sar von phende tumenge, ta prema e kris kai von chinde ta na pharruven niso katar so von chinde. 12A o lleno kai llala silnomaia ta ni kandela so phenda o popo kai si kote kai radil e Devleke cho gazda, o e llene kai si o krisari, gua lleno ka chindol pe leke te merel. Gia ka ikanen o bilachipe katar o Israel, 13ta kana o foro ka asunel, ka avel leke dar ta ka mukel te cherel e ezgode silnomaia.
O zakono katar e charura
14Kana ka den ande phuv kai o Del tumaro Gazda ka del tumen, ta kana ka len la tumenge ta ka zivin ande late ta ka phenen: Manga te avel amen iek charo te gazdaril amen, gia sar si len sa ogola phuvia kai si truial amendar,#1 S 8.5,10-18; 1 R 11.1-13; 16.30-33. 15morabi te thoven charo katar tumari phuv gole llene kai si katar tumari phuv ta kai o Del tumaro Gazda ezbirila. Te na thoven charo iekhe llene kai avel katar aver phuvia, o kai inai katar tumari phuv. 16A gua charo morabi te na chinel but gra, ta te na bichalel llenen ando Ejipto te sai chinel mai but gra, soke o Del phenda tumenge: Nikada ios te na irin tumen katar gua drom.#1 R 10.28; 2 Kr 1.16; 9.28. 17Ta morabi te na lel peke but diskinie, te na cherdol leko lio bilacho ta ni ka chidel but sunakai ta ni rup.#1 R 10.14—22.27; 2 Kr 1.15; 9.27.
18Kana o charo ka lel e o gazdaripe, ka mangel te pisin leke gava zakono katar o chachuno kai arakhen e popura levita, 19ta morabi te avel lea, ta te chitil gava lil suako llive katar po zivoto, te sai sikol te del liubao e Devle leko gazda ta te kandel sa e alava katar gava zakono ta katar so si te cherel, 20gia te na istardol ta te na duriol katar e alava, gia te sai avel le mai but burs ande pi charoina vou ta leke chaurren maskar o Israel.
Currently Selected:
Deuteronomio 17: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
