Deuteronomio 12
12
O edino santuario
1Gala si e zakonura ta e alava kai tumen morabi te kanden ande phuv kai o Del ta gazda tumare puranengo ka del tumen.
2Zatrin sa e riga kai e llene kai tumen ka dobin llan te blagosin pe delen: pe burdura, bare ta i pe minone ta i telal tala e kasta. 3Peraven lenge altare, phagen lenge barra ta phabaren lenge kasta kai blagosin ta zatrin lenge slike katar e Asera ta ikanen lenge anava katar gola riga.#Dt 7.5.
4E Devle tumaro gazda nasti blagosin le gia. 5Pe rig kai o Del tumaro Gazda ezbirila maskar sa tumare viche te sai thovel kote po anav ta pe goia rig tumen sai ka llan te blagosin le. 6Kote ka den kurbanura ta ka phabaren zivirinie ande leko liubao ta ka inllaren tumare diesmura so phenden te den tumare ofrende ta e purve zivirinie kai ka biandon katar tumare guruva ta bakre. 7Ta ka jan kote angla o Del tumaro Gazda tumare familiaia ta ka veselin tumen katar e septelie katar tumaro rado kai o Del tumaro Gazda blagosisarda tumen.
8Kote te na cheren so akana chera kate, kai suako lleno cherel so vou mangela.#Jue 17.6. 9Chachimaia tumen nios ni avilen kai e rig esmiro kai o Del tumaro Gazda ka del tumen. 10A kana tumen ka nakhen o Jordan ta ka zivin ande phuv kai ka del tumen ta ka aven braduime katar sa tumare dusmanura kai si truial tumendar, bi darako, 11ondaka pe rig kai o Del tumaro Gazda ka ezbiril de thovel po anav, kote ka inllaren sa ezgode kai phendem tumenge te inllaren: zivirinie te den kurbano ta kurbanura phabarde ande leko liubao, tumare diesmura ta sa so ka den ta sa e ezgode ezbirime katar so phenden kana dien tumaro alav e Devle. 12Ta ka cheren slava angla o Del tumaro Gazda, tumare chaurrenchar ta tumare slugenchar ta e levitonenchar kai zivina maskar tumende, soke von ni lie ni iek phuv te avel lengi.
13Arakhen tumen te na phabaren zivirinie e Devleke pe varesavi rig kai malavena, 14ka cheren samo pe rig kai o Del tumaro Gazda ezbirila ande iek katar pe viche. Kote ka cheren sa so phendem tumenge te cheren.
15A tumen sai ka jan mas ande sa tumare forura prema sar blagosisarda tumen o Del tumaro Gazda. Sai ka jan le e llene kai si chiste o pokalime mas katar e gasela o katar o siervo. 16A o rat te na jan le pe phuv morabi te peraven le sargo pai.#Jen 9.4; Lv 7.26-27; 17.10-14; 19.26; Dt 15.23.
17Nasti ka jan andre ande tumare forura o diesmo katar tumaro lliu, katar e mol o katar tumaro zeitino ni e purve guruva kai ka biandon ni bakre, ta niso katar so dien tumaro alav kai ka den e devle ni katar tumare ofrende kai tumen manglen te den. 18Sai ka cheren le samo angla o Del tumaro Gazda pe rig kai vou ezbirila, kote angla o Del tumaro Gazda ta tumare chaurrenchar ta tumare slugenchar ta e levitonenchar kai zivin maskar tumende, ka veselin tumen katar e septelie katar tumaro rado. 19So tumen zivina ande phuv te na muken nikada e levitaonen.
20Kana o Del tumaro Gazda bariarela tumari phuv, gia sar phenda le tumenge, ta tumen te mangena te jan mas, sai ka jan savi drom tumen mangena. 21A te avela dur tumendar o than kai o Del tumaro Gazda esvirisarda te thovel po anav kote sai ka mundaren tumare guruven ta tumare bakren kai o Del dia tumen ta te jan sogo mangena kote kai tumen zivin, gia sar phenden tumenge te cheren. 22Isto gia o mas katar e gasela o katar o siervo, sa tumen sai ka jan, e llene pokalime ta i gola kai si chiste sai ka jan katar gua mas. 23A te na jan o rat, soke o rat si o zivoto goleke nasti ka jan o zivoto e masea. 24So morabi te cheren si te choren la pe phuv sargo pai.#Lv 1.5; 17.10-14. 25Na jan o rat, ta ka llal tumenge sukar tumenge ta tumare chaurrenge soke ka cheren so si chacho angla e akha e Devleke. 26A e ezgode kai dian cho alav te delen ofrenda ka den len po than kai o Del ezbirila, 27ta kote po altar katar o Del tumaro Gazda, ka den tumare kurbanura. O rat katar e zivirinie kai tumen ka den ka choren la po altar katar o Del tumaro Gazda, a o mas sai ka jan le.
28Asunen ta kanden sa so phenden tumenge te cheren, te sai tumenge ta tumare chaurren te llal sukar suako drom, te sai cheren so si drago ta si orta angla e akha e Devleke tumaro gazda.
Arakhen tumen te na blagosin avere delen
29Kana o Del tumaro Gazda ka zatril angla tumende e phuvien kai tumen ka len ta kana ka zivin ande lenge phuvia, 30arak tut te na cheren son von cherde na phuchen katar lenge dela ta na phen: gia sar gola phuvia blagosina pe delen i amen ka blagosi len. 31Na cheren gua e Devleke tumaro gazda soke sa e ezgode bilache kai o Del nasti terpil si e ezgode kai cherde gola phuvia te blagosin pe delen, ta resle te den kurbano pe chaurren ande iag.
32Goleke arakhen tumen te kanden sa so phendem tumenge te cheren, ta na thoven mai but ta na ikanen niso.#Dt 4.2; Apo 22.18-19.
Currently Selected:
Deuteronomio 12: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
