Deuteronomio 11
11
O baripe e Devleko
1Tumen volin e Devle tumaro gazda ta kanden so phenda ta leke zakonura ta leke alava suako llive. 2Acharen allive, soke ni dia orba tumare chaurrenchar kai ni llangle ta ni dikhle sar dukhavel o Del tumaro Gazda ta ni leki bari zor ta ni leko va o zuralo, 3ta ni e bare ezgode kai cherda te sai dikhon ando Ejipto e Faraonea ta sa pe leki phuv#Ek 7.8-12. 4ta so cherda kana e mora irisaili kote kai saia ta ucharda e bordona ta e llenen kai llana pe gra, ta sa e llenen kai llana te marenpe gola kai diea ande mora te marenpe tumenchar. Ni iek boñiko e Faraoneko ni achilo llundo, ta zatrisarda len llik allive. 5Ta i den tumen golli sa so cherda po pusto lligo ni avilen kate, 6ta so cherda e Datanea ta e Abiramea, chaurre katar o Eliab chaurro katar o Ruben, ta sar e phuv putaili ta nakhada len lenge familiaia lenge charenchar ta lenge zivirinienchar maskar sa o Israel.#Nm 16.31-32. 7Ta isto tumen dikhlen sa e bare ezgode kai cherda o Del.
O blagosipe katar e phuv kai phenda kai ka del
8Akana tumen kanden sa e alava kai allive diem tumen, te sai cherdon zurale ta te sai len e phuv kai si te dobin, 9ta te sai zivin but burs ande gaia phuv kai o Del phenda kai ka del tumare puranenge ta lenge porodoke, e phuv kai o thud ta o aullin llan sargo pai. 10E phuv kai ka len inai sargo o Ejipto, kotar katar tumen likisten, kote tumen thovena e simicha ta chudena o pai tumare porrnenchar gia sar cherdol ande vostanura, 11a e phuv kai tumen ka len si iek phuv kai si burdura ta umalia kai chingol katar o bursin e milosoko. 12Si iek phuv kai isto o Del arakhel ta pela dikhel sa o burs.
13A tumen te kandena e alava kai allive diem tumen ta te volina e devle tumaro gazda, ta te blagosina le sa tumare liea ta sa tumare zivotoia, 14vou ka cherel te avel po vreme o bursin kai avel mai anglal ta i o gua kai avel mai palal, te sai tumen chiden tumaro lliu ta te avel tumen mol ta zeitino. 15Ta i ka cherel te bariol e char ande umalia tumare zivirinienge, ta te avel tumen but jape. 16A arakhen tumen te na kojadon, na durion katar o Del te llan te blagosin avere delen na den changa angla lende. 17Soke o Del ka joliaol tumenchar ta ni ka bichalen tumenge o bursin, ondaka e phuv ni ka del pe septelie ta but oma tumen ka meren ande goia lachi phuv kai o Del ka del tumen.#Lv 26.3-5; Dt 7.12-16; 20.1-14. 18Goleke thoven gala alava ande tumare lie ta ande tumaro zivoto, ta phanden len pe tumare va ta pe tumaro chikata, 19ta ka sikave gala alava tumare chaurrenge kana ka bese ande cho cher ta i po drom ta kana ka pere chuke ta kana ka uste. 20Pisisar len pe tumare cherenge udara ta pe udara bare e foroke,#Dt 6.6-9. 21de sai tumaro zivoto ta o zivoto tumare chaurrengo ande phuv kai o Del phenda kai ka del tumare puranenge te zivin pe gachin llivesa sar kai si o miloso pe phuv.
22Te kandena sa gala alava kai allive phenav tumenge te kanden, ta te volina e Devle tumaro gazda ta te llana pe sa leke droma, 23o Del ka tradel angla tumende sa gale phuvien, ta tumen ka dobin e phuvien kai si mai bare ta mai zurale neko tumen. 24Kaigo ustavela tumare porrne ka avel tumaro, katar o pusto llik kai o Libano, katar o pai katar o Eufrates llik kai e mora oksidental ka avel tumari phuv. 25O Del tumaro Gazda ka cherel te izdran daratar katar tumen ka nakhen, gia sar phenda le tumenge.#Jos 11.3-5.
26Allive me thovav angla tumende o blagosipe ta e armaia. 27O blagosipe te asunena e alava e Devleke tumaro gazda kai allive phenav tumenge te cheren. 28Ta e armaia te na asunena e alava katar o Del tumaro Gazda ta te likena katar o drom te llan kai aver dela kai tumen ni pinllaren.
29Kana o Del tumaro Gazda ka cherel tumen te den ande phuv kai ka dobin, ka thoven o blagosipe po burdo geresim ta e armaia po burdo Ebal.#Dt 27.11-14; Jos 8.33-35. 30Gala burdura si pe ogoia rig katar o Jordan, karing o drom oksidental, ande phuv katar e kananeura kai zivin ande umal angla o Gilgal ta pasa e ensine katar o More. 31Tumen si te nakhen o Jordan ta te dobin e phuv kai o Del tumaro Gazda ka del tumen. Kana ka dobin e phuv zivin ande late. 32Kanden sa e zakonura ta e alava kai allive diem tumen.
Currently Selected:
Deuteronomio 11: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
