Kolosenses 3
3
1Goleke soke tumen te ustilen katar o meripe e Kristoia, morabi te roden e ezgode kai si upre kote kai o Kristo besel pe rig e chachi e Devleki.#Sal 110.1; Ro 6.4-11; Kol 2.12; Ebr 1.3. 2Mislin tumen ande ezgode kai si ando miloso, a na ande ezgode e phuviake. 3Soke tumen mulen ta o Del lacharda tumenge te zivin e Kristoia. 4O Kristo si tumaro zivoto ta kana vou ka avel, i tumen ka aven lea ando baripe.#Gl 2.20; Flp 1.21.
Sar morabi te zivin akana
5Goleke cheren te meren sa gala ezgode e phuviake kai si ande tumende:
Niko te na cherel o kurvaluko ta ni e ezgode pogane. Achaven tumare bilache mislura ta na muken te inllarel tumen tumari llia e lovengi, soke gaia ezgoda si sargo te llan pala aver dela. 6Soke cheres gala ezgode avel e joli e Devleki pe llene kai ni kanden le,#Ef 2.3. 7ta i tumen omanglal cherena gala ezgode. 8A akana muken sa gala ezgode:
E joli, o bilachipe, e brasnia maskar tumende ta e bilache alava. 9Na kojaven iek avere, soke tumen chudien tumendar so sena omanglal ta so cherena,#Ef 4.22. 10ta akana si tumen iek nevo zivoto ta sen iek nevo manus kai sa mai lachardol prema o Del kai cherda le, te sai pinllaren le mai but.#Jen 1.26; Ef 2.10; 4.24. 11Akana ni chitilpe te avea griego o te avea judio o te san sirkunsidime o te na avea, ta ni chitilpe te avea katar aver phuv o te llane o te na llane but ezgode, o te avea sluga o te na avea, soke o Kristo si sa ta si ande sa amende.
12O Del volil tumen ta esvirisarda tumen te aven katar o foro santo. Morabi te avel tumen volipe pala aver llene. Morabi te aven lache, proste, postene ta te terpin.#Ef 4.2. 13Terpin iek avereke ta prostin iek avere, a te si vareko dukhado averetar prostisaren tumen. Gia sar o Kristo prostisarda tumen i tumen si te prostin.#Ef 4.32. 14A furiadon mai but e volimaia, soke o volipe si kai ka cherel tumen te aven saurre ande iek than. 15Ta e pas e Kristoki te charoil ande tumare lie, soke goleke ikharda tumen o Del te sai aven katar iek esnaga ta te aven llene kai llanen te den e fala.
16Ta te na bristaren tumen katar e alava e Kristoke ta sikaven iek avere bizaimaia. Den fala ta llilaben e Devleke e salmura ta llilia duoke. 17Ta sa so ka cheren o so ka phenen cheren le ando anav e Gazdako o Jesus, ta den fala e Devle kai si o Dad pala so cherda o Kristo pala tumende.#Ef 5.19-20.
E familia kai pachal ando Jesus
18Tumen rromialen morabi te den liubao tumare rromen, gava si so morabi te cheren sar trubulpe e diskiniendar, soke tumen pachan ando Gazda.#Ef 5.22; 1 P 3.1. 19A tumen rromalen morabi te volin tumare rromien, ta na joliaon lenchar.#Ef 5.25; 1 P 3.7.
20Chavalen, kanden tumare daden pe suako ezgoda, soke gua si drago e Gazdake.#Ef 6.1. 21Tumen e dada na joliaven tumare chaurren, te na jasaren pi zor.#Ef 6.4.
22Tumen sluge morabi te kanden pe suako ezgoda e llenen kai kate pe phuv si tumare gazda, na samo kana von dikhen tumen te sai achen lache angla e manusa, cheren le e lietar pala o liubao e Gazdako. 23Ta sa so ka cheren, cheren le e lietar sargo kana radin e Devleke a na e manusenge. 24Soke tumen llanen kai o Del ka del tumen katar o chari kai phenda kai ka del pe foro, soke tumen radin e Kristoke kai vou si tumaro chachuno Gazda. 25Soke kogo cherel o bilachipe, ka lel o pochindipe katar o bilachipe kai cherda, soke o Del chinel e kris orta saurrenge.#Dt 10.17; Ef 6.5-8; 6.9.
Currently Selected:
Kolosenses 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
