Kolosenses 2
2
1Soke mangav te llanen kai radiu but pala tumende, ta i pala e llene kai si ande Laodisea ta i pala sa e llene kai ni dikhle man nikada.#Apo 3.14-22. 2Radiu pala lende te sai len zor ande po lio, te aven ande iek than ando volipe ta te aven barvale ando bizaipe, ta gia te llanen kai so o Del gurudaia ta mangela te cherel cherda le isto ando Kristo. 3Soke sa o barvalipe katar o bizaipe ta o llanglipe si ando Kristo. 4Gala ezgode phenaulen tumenge te na kojavel tumen niko pe nisave alava kai asundon sukar. 5I te na avava tumenchar, sem tumenchar ando duo ta veseliu man kai dikhav kai cheren e ezgode sar trubulpe, ta kai sen zurale ande tumaro pachape ando Kristo. 6Goleke sar lien e Jesukristo sar tumaro Gazda, morabi te zivin sar vou mangel. 7Ta gia te barion ta te aven istarde po Kristo ando pachape gia sar sikilen te den fala e Devle suako llive ta den suako drom fala e Devle.
8Ta arakhen tumen: na thoven sama golenge kai mangen te kojaven tumen alavenchar kai asundon bizai, soke gua bizaipe si e manusengo. Von thoven sama e duonenge zurale kai si gale suetoke ta ni thoven sama e Kristoke.#Gl 4.3—5.9.
9Soke sa so si o Del, dikhol ando Kristo. 10Ta vou gazdaril pe sa e duura kai len si zor ta gazdarin. 11Ta ande lete i tumen sena sirkunsidime, na katar iek sirkunsision cherdi e manusendar, tumen lien e sirkunsision cherdi e Devletar kana thoda tumen ande iek than e Kristoia ta gia lia tumendar e esnaga kai mangel te cherel o bilachipe. 12Kana kristisarde tumen, prajosarde tumen e Kristoia, ta i tumen ustilen lea katar o meripe, soke pachaien ande zor e Devleki kai vazdia le katar o meripe.#Ro 6.4. 13Omanglal tumen sena mule cheres tumaro bilachipe a akana o Del dia tumen zivoto ande iek than e Kristoia, ta cheres lete prostisarda amen katar sa o bilachipe.#Ef 1.2-5. 14O Del prostisarda o unllilipe kai saia amen pe iek lil kai phandela amen, ta phagla so saia ande gua lil, ta kafrosarda le po krusto.#Ef 2.15. 15O Del lia e duonendar lengi zor ta lengo gazdaripe, ta pala o Kristo thoda len ando lallao angla sa, ta inllarda len phangle kana dobisarda len po krusto.
16Goleke niko te na dosarel tumen katar so jan o pien, o katar e ezgode sargo e llivesa veselimake o e chona neve o e sabadura.#Ro 14.1-6. 17Sa gala ezgode si samo e senka katar so si te avel, a o chachuno chachipe si o Kristo. 18Na muken te dosaren tumen gola kai cherenpe proste manus ta kai blagosin e suechonen; phenen kai sikadon lenge sargo sune, pukhon barimatar a mislinpe samo ando bilachipe. 19Gola llene inai ande iek than e Kristoia a vou cherel te bariol sa e esnaga kana del la te jal ta kana thovel ta cherel te radil sa pe po than gia sar mangla o Del.#Ef 1.22; 4.15-16.
Zivisara sar o Del mangel
20Tumen mulen e Kristoia ta akana ni sen phangle pe zoria kai gazdarin pe gaia phuv. A te si gia, ¿Soke pale zivin sargo omanglal ta cheren e ezgode gale suetoke#Ro 6.6-11; Gl 2.19-20. 21sargo gala: Na dodisar gua, na ja goia ezgoda, na dodizar la che vastenchar? 22Sa gala ezgode kai si thode te cheralen o vreme nakhel ta si te na aven ios, soke samo si zakonura manusenge. 23De istina si kai gola ezgode sai dikhon kai si len bizaipe, soke mangen katar o manus te avel mai Devlikano ta prosto ta te trudilpe but. A gala ezgode ni achaven o bilachipe gale suetoko.
Currently Selected:
Kolosenses 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
