Kolosenses 4
4
1Tumen kai si tumen sluge morabi te aven gazda lache tumare slugenchar. Na bristaren kai i tumen si iek Gazda ando miloso.#Ef 6.9.
2Molintumen suako llive ta den fala e Devle.#Ef 6.18-20; Flp 4.6. 3Molintumen i pala amende te sai o Gazda putarel amenge e udara, te sai da orba katar e lachi viasta ta te sikava e ezgode gurudine kai o Kristo mangel te cherel, goleke sem phanglo. 4Molintumen te sai sikavav gaia orba bristomaia sar trubulpe.
5Morabi te aven bizai e llenenchar kai ni pachan ta cheren o lachipe suako drom kana sai cheren le.#Ef 5.16. 6Tumari orba morabi te avel lachi ta gugli suako drom, ta kana ka puchen tumen vareso morabi te llanen te sai den orba. 7Amaro phlal o Tikiko kai voli le ta kai si iek chacho phlal kai pomozil amen ta kai radisarda manchar amare Gazdake, ka phenel tumenge sa so cherav me.#Ech 20.4; 2 Ti 4.12. 8Goleke bichalav le tumende te phenel tumenge sar sam ta te del tumen zor.#Ef 6.21-22. 9Lea llal i o Onesimo, amaro chacho phlal kai voli le, kai vou si iek tumendar. Von ka phenen tumenge sa so llalpe kate.#Flm 10-12.
10O Aristarko kai si manchar ande rubie bichalel tumenge salami, ta i o Markos, o pharnavo e Bernabeko. Te llala o Markos tumende, me phendem tumenge so si te cheren, morabi te aven lea pachivale.#Ech 12.12,25; 13.13; 15.37-39; Flm 24. 11I o Jesus kai ikharen le Chacho bichalel tumenge salami. Maskar e judiura samo von si kai radisarde manchar pala e charoina e Devleki ta die man but zor. 12Bichalel tumenge salami o Epafras, iek sluga e Jesukristoko; vou si iek tumendar ta vou suako drom molilpe pala tumende te aven orta ta zurale ta te cheren e volia e Devleki.#Kol 1.7; Flm 23. 13Me sem o lleno kai dikhav sar brigilpe pala tumende ta pala e llene kai si ande Laodisea ta i ande Ierapolis. 14O Lukas, o doktori kai voli le, i vou bichalel tumenge salami, ta i o Demas.#2 Ti 4.11; Flm 24.
15I Me bichalav salami e phlalenge kai si ande Laodisea ta e Ninfake ta e khanllirake kai chidiniaol ande leko cher. 16Kana ka chitin tumen gava lil, bichalen le i kai e khanlliri ande Laodisea te sai chitin i kote gava lil.#Apo 3.14-22. 17Phenen gaia ezgoda e Arkipoke Trudisao te chere sukar o rado kai die tut ando anav e Gazdako.#Flm 2.
18Me o Pablo pisiv gava salami isto me vastea. Na bristaren tumen kai sem phanglo. O volipe e Devleko te avel tumenchar.
Currently Selected:
Kolosenses 4: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
