Popular Bible Verses from Kolosenses 2

Share

Goleke sar lien e Jesukristo sar tumaro Gazda, morabi te zivin sar vou mangel. Ta gia te barion ta te aven istarde po Kristo ando pachape gia sar sikilen te den fala e Devle suako llive ta den suako drom fala e Devle.

Ta arakhen tumen: na thoven sama golenge kai mangen te kojaven tumen alavenchar kai asundon bizai, soke gua bizaipe si e manusengo. Von thoven sama e duonenge zurale kai si gale suetoke ta ni thoven sama e Kristoke.

Omanglal tumen sena mule cheres tumaro bilachipe a akana o Del dia tumen zivoto ande iek than e Kristoia, ta cheres lete prostisarda amen katar sa o bilachipe. O Del prostisarda o unllilipe kai saia amen pe iek lil kai phandela amen, ta phagla so saia ande gua lil, ta kafrosarda le po krusto.

Soke sa so si o Del, dikhol ando Kristo. Ta vou gazdaril pe sa e duura kai len si zor ta gazdarin.

Goleke niko te na dosarel tumen katar so jan o pien, o katar e ezgode sargo e llivesa veselimake o e chona neve o e sabadura. Sa gala ezgode si samo e senka katar so si te avel, a o chachuno chachipe si o Kristo.