2 Tesalonisenses 2
2
O sikadipe sar ka avel o Gazda
1Phlalalen, cheres so ka avelpe kana ka avel o Jesukristo ta sar ka chidiniaiva lea, manga tumendar#1 Ts 4.15-17. 2te na avel tumen aver mislo gia oma ta te na muken te daravel tumen niko, soke sai te phenen kai o Duo sikada lenge sar si te avelpe, o sai te phenen kai diam lenchar orba amen ta sikadam len, o kai bichaldam lenge iek lil ta kai phena lenge kai o llive e Gazdako avilo. 3Na muken te kojaven tumen nisoia. Soke mai anglal katar gua llive si te vazdiniaon po Del leke dusmanura kana ka avel o manus o bilacho, gua kai si leke chinado o meripe. 4Gua si o dusmano kai ka vazdiniaol pe sa sogo si Devlikano o kai prilichil letar te avel blagosime, ta ka resel te besel vou ando cher e Devleko, ta vou ka cherelpe o Del.#Dn 11.36; Ez 28.2.
5¿Ni den tumen golli kai me phenavale tumenge kana sema tumenchar? 6Ta akana tumen llanen kai si vareso kai achavel le te sai sikadol ando vreme kai morabi te sikadol. 7Soke o bilachipe kai mangel te cherel po chorial llal angle, samo trubul te ikandol gole kai si po maskaral kai achavel le. 8Ondaka ka sikadol gua dusmano kai o Gazda o Jesus ka phurdel pe lete ta ka zatril le ta ka mundarel le kana ka irilpe ande po baro blagosipe.#Is 11.4. 9A gua dusmano ka avel pomozime e llavolotar; ka avel bare zoriaia ta ka cherel bare ezgode devlikane kojamne.#Mt 24.24. 10Ta ka radil suako bilachimaia te kojavel golen kai jasaon, soke ni kamle te len ta te volin o chachipe ta te braduinpe. 11Goleke o Del mukel te aven kojade katar so inai chacho ta te pachan ando kojaipe, 12te jasaon sa gola kai ni kamle te pachan ando chachipe, ta kai drago lenge o bilachipe.
Esvirime e Devletar
13A amen morabi te da fala e Devle suako llive pala tumende phlalalen kai o Gazda volil tumen, soke o Del esvirisarda tumen te aven e purve llene kai ka aven braduime cheres o Duo kai cherel tumen sante, ta cheres o pachape kai si tumen ando chachipe. 14Goleke ikharda tumen o Del e lache viastaia kai amen phendam tumenge: te avel tumen iek than ando blagosipe katar o Gazda o Jesukristo.
15Goleke phlalalen, llan orta ta na bristaren tumen katar o sikadipe e puranengo kai sikadam tumen kana sama tumenchar ta i so sikadam tumen e lilenchar.#1 Kor 11.2. 16Isto amaro Gazda o Jesukristo, ta o Del amaro Dad kai volisarda amen ta dia amen zor ostade ta o sukaripe kai adurichara letar, 17te del tumen zor te cheren ta te phenen suako llive o lachipe.
Currently Selected:
2 Tesalonisenses 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
