2 Tesalonisenses 3
3
O Pablo mangel te molinpe pala e lachi viasta
1Phlalalen, molintumen pala amende te resel pe suako rig e orba e Gazdaki ta te lenla dragostimaia, gia sar avilape maskar tumende. 2Ta molintumen pala amende te arakhel amen o Del katar e llene bilache, soke ni pachan sa e llene. 3A o Gazda si chacho, ta vou ka del tumen zor ta ka arakhel tumen katar o bilachipe. 4Ta si amen vera ando Gazda kai tumen cheren ta kai ni ka achen te cheren so phendam tumenge. 5Te pomozil tumen o Gazda te volin sar volil o Del, ta kana sen ande nuzda te del tumen e zor e Kristoki.
Saurre morabi te radi
6Phlalalen, manga tumendar ando anav e Gazdako o Jesukristo, te durion katar varesavo phlal kai ni radil ta ni cherel prema so sikadam len amen. 7Soke tumen llanen sar morabi te zivin te aven prema sar sam amen kana sama tumenchar; dikhlen kai sama llene kai radia, 8ta o marrno kai jalam pochindam le. Amen radisardam suako llive orachaia ta ollivesea te na ava iek pharipe nikake tumendar.#Ech 18.3; 1 Ts 2.9. 9A chachimaia saia te manga tumendar te pomozin amen, a amen radisardam te sikon amendar so morabi te cheren. 10Kana sama tumenchar, sikadam tumen gia: ko ni kamel te radil te na jal. 11A llanglam kai nesave llene tumendar ni radin ta aminpe ande so inai lengo. 12Katar gala llene manglam, ando anav e Gazdako o Jesukristo, te radin te avel len so te jan ta te na aminpe ande so inai lengo.
13A tumen, cheren o lachipe suako llive ta na chinion.#Gl 6.9. 14Vareko te na thoda sama so phena ande gava lil, dikhen ko si ta na llan lea ninde, te avel leke lallao. 15A na dikhen pe lete sargo kana vou si tumaro dusmano, den pe lete sargo phlal. 16Ta isto o Gazda katar e pas te del tumen suako llive e pas ta sar vou kamela. O Gazda te blagosil saurren.
17Me o Pablo, pisiv tumenge gava salami isto me vastea. Gia thovav mo anav pe sa me lila, gia pisiv me. 18Amaro Gazda o Jesukristo te del po volipe saurren.
Currently Selected:
2 Tesalonisenses 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
