2 Tesalonisenses 1
1
Salami
1Me o Pablo, o Silvano ta o Timoteo manga e Devletar te aven blagosime sa e llene kai zivin ande Tesalonika ta si len pachape, kai llan e Devlea amaro Dad, ta e Gazdaia o Jesukristo.#Ech 17.1; 1 Ts 1.1. 2O Del amaro Dad, ta o Gazda o Jesukristo te del tumen po volipe ta pi pas.
O Pablo del fala ta molilpe
3Phlalalen, suako llive si te da fala e Devle pala tumende chachimaia, soke tumaro pachape bariol ta o volipe kai si maskar tumende suako llive cherdol ios mai baro. 4Goleke isto amen da tumari orba dragostimaia kana lla ande khanllira e Devleke pala e zor ta o pachape kai si tumen ande sa e duk ta ande nuzde kai nakhen. 5Golea o Del sikavel kai leki kris si chachi ta cheres gua tumen sen pristane te den ande goia charoina kai pala la nakhen pe gachin patnia.
6O Del si chacho ta ka patil golen kai cheren tumen te nakhen patnia, 7ta ka lel tumendar ta i amendar sa e nuzde. Gua ka avelpe ando llive kana o Gazda o Jesus ka sikadol pe zurale suechonenchar ando miloso maskar e plamekura e iagake. 8Ka avel te patil golen kai ni pachan ando Del ta ni kanden so phenel e lachi viasta katar o Gazda o Jesus. 9E gala llene ka aven patime ta ka aven zatrime ostade, ta ka aven chudine dur katar o Gazda katar leko blagosipe ta katar leki zor, 10ta o Gazda ka avel ande gua llive ta ka blagosil le leko Santo foro ta ka chudinpe letar sa e llene kai pachan; ta tumen pachaien ande so phendam tumenge amen.
11Goleke suako llive moli amen pala tumende, ta manga e Devletar te cherel tumen pristane ande so ikharda tumen, ta pala leki zor te cherdol suako lachipe kai tumen mangen ta suako rado kai o pachape cherel tumen te cheren. 12Ta gia cheres tumende ka avel blagosime o anav katar o Gazda o Jesus ta vou ka blagosil tumen prema o lachipe kai si e Devle ta e Gazda e Jesukristo.
Currently Selected:
2 Tesalonisenses 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.