2 Samuel 9
9
O David esviril e Mefi Bosete
1Iek llive o David puchla: ¿Achilo fiko katar e familia e Sauleki te pomoziv le pala o liubao e Jonataneko?#1 S 20.14-17.
2Ta saia iek sluga katar o Saul kai ikhardola Siba, ta ikharde le te avel kai o David. Ta o charo phenda leke:
¿Tu san o Siba?
A vou phenda:
Cho sluga sem.
3O charo phenda leke:
¿Achel fiko katar e familia e Sauleki te sai pomoziv le ando anav e Devleko?
Ta o Siba phenda:
Achel iek chavo e Jonataneko kai vou si bange porrnengo.#2 S 4.4.
4Ta o charo puchla le:
¿Kaitalo?
Ta o Siba phenda leke:
Ando Lodebar, ando cher katar o Makir chavo e Amieleko. 5Ondaka o charo o David bichalda llenen te anen le kotar. 6Ta o Mefi Boset chavo e Jonataneko unuko e Sauleko, avilo kai o David ta dia changa angla o charo, ta o David phenda leke:
¡Mefi Boset!
Ta o Mefi Boset phenda e Davideke:
Kate sem, cho sluga.
7Ta o David phenda leke:
Na dara, soke me ka avav lacho tuia pala o liubao che dadeko e Jonataneko. Me ka iriv chuke sa e phuvia katar cho dad o Saul. Suako drom tu ka ja manchar pe mi sinia.
8Ta o Mefi Boset dia changa, ta phenda:
¿Ko si cho sluga te dikhel pe ma kai sem iek llukel mulo?
9Ondaka o charo ikharda e Sibae, o sluga katar o Saul, ta phenda leke:
Sa so saia katar o Saul ta sa e ezgode katar leko cher, diem len kai o chavo che gazdako. 10Tu ka radi e phuv che chavenchar ta che slugenchar, ta ka chide e simiche te avel marrno e chave katar cho gazda, a o Mefi Boset ka jal manchar pe mi sinia.
Ta e Siba sea le desupanch chave ta bis sluge.
11Ta o Siba phenda e charoke:
Sa so phendam che slugake, ka cherdol.
Ta o Mefi Boset jala pe sinia e charoki suako drom, sargo iek chavo e charoko.
12Ta e Mefi Bosete saia le iek minono kai ikhardola Mikaias. Ta sa e llene kai zivina ando cher katar o Siba sea sluge katar o Mefi Boset. 13Ta o Mefi Boset zivila ando Jerusalem, soke suako drom jala pe sinia e charoki ta nasti phirela soke saia bange porrnengo.
Currently Selected:
2 Samuel 9: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
