2 Samuel 8
8
O maripe katar o David
1 Kr 18.1-13
1Mapalal katar gala ezgode o David dobisarda e filisteonen ta lia lendar o foro Meteg Ama. 2Ta i dobisarda e moabitonen, ta cherda len te inzon pe phuv ta llinda len e solenchar. Gola kai resle ande dui sole mundarde len, a gola kai resle ande iek solo mukle len llunde. Ta e moabitura sea sluge e Davideke ta pochinena love.
3Ta i e Adad Ezere chavo e Rejoveko kai saia o charo katar e Soba, o David dobisarda le kana o Adad Ezer llelo po pai katar o Eufrates te lel pale pi phuv. 4Ta o David lia lendar milia ta efta stotine llenen kai llana pe gra, ta bis milie llenen kai llana peske. Ikanda katar e bordona sa e grasten, a mukla peke but gra te resen te chirden stotina bordona.
5Ta avile e siriura katar o Damasko te pomozin e charo katar o foro Soba, o Adad Ezer. A o David mundarda bis ta dui milie sirionen. 6Ta o David thoda boñikonen ando Damasko, ta e siriura sea sluge e Davideke ta pochinena love. Ta o Del cherda te dobil o David kaigo llala.
7Mapalal o David lia e eskudura sunakune kai inllarena e boñikura katar o Adad Ezer, ta inllarda len ando Jerusalem. 8Ta i katar e forura Beta ta Berotai kai sea forura katar o Adad Ezer, o David lia but ezgode tuchne.
9Ondaka kana o Toi, kai saia o charo katar o Jamat, llangla kai o David dobisarda e boñikonen katar o Adad Ezer, 10bichalda e Jorame kai saia leko chavo te blagosil e Davide ta te del le salami, soke o Toi saia dusmano katar o Adad Ezer. Ta o Joram inllarela pea ezgode rupune, sunakune ta tuchne 11kai o David dia len e Devleke, ta i dia e Devle o sunakai ta o rup kai saia katar e phuvia kai vou dobisarda len, 12katar e siriura, katar e moabitura, katar e filisteura, katar e amalekitura, ta katar o Adad Ezer chavo e Rejoveko, o charo katar e Soba.
13Gia o David cherdilo but pinllardo. Kana irilape katar o maripe e sirionenchar, dobisarda desojto milie edomitonen ande bari Umal katar o Lon. 14Ta o David thoda boñikonen pe sa e phuv katar o Edom. Ta e edomitura sea sluge e Davideke. Ta o Del cherda te dobil o David kaigo llala.
E mai glamne boñikura katar o David
2 S 20.23-26; 1 Kr 18.14-17
15Ta o David charoisarda ande sa o Israel ta krisila pe foro lachimaia ta chachimaia. 16O Joab chavo e Seruiaeko, gazdarila pe boñikonen, ta o Josafat chavo e Ajiludeko saia o kovachi. 17O Sadok chavo e Ajitobeko ta o Ajimelek chavo e Abiatareko sea popura, a o Seraias saia o pismiri. 18Ta o Benaias chavo e Joiadaeko gazdarila pe kereteura ta e peleteura, a e chave e Davideke sea popura.
Currently Selected:
2 Samuel 8: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
