2 Samuel 22
22
Llili e Davideki
Sal 18
1Kana o Del braduisarda e Davide katar leke dusmanura ta katar o Saul, o David llilabia gaia llili e Devleke. 2Ta phenda gia:
Devla,
tu san mi zor,
ta mo braduimari.
3Tu san mo Del,
tu san o barr kai arakhel man,
mo eskudo.
Tu san o than kai sai gurudivav,
tu san o than vazdino kai arakhel man,
mo braduimari.
Braduisardan man katar me dusmanura.
4Tu Devla, te ave blagosime.
Kana ikharav tut,
tu bradui man katar me dusmanura.
5Ulina man e valura e merimake,
darailem katar e bari len e merimaki kai inllarela man.
6O meripe ulila man pe solenchar,
sema istardo ande sole e merimake.
7Ande nuzda ikhardem e Devle,
manglem katar mo Del te pomozil man,
ta vou katar po cher asunda man,
mo urkipe reslo kai leke kan.#Sal 120.1; Jon 2.2.
8Ondaka dermosaili e phuv,#Jue 5.4-5; Job 36.30; Sal 29.3-9; 77.16-19; 144.5-8; Jab 3.3-13.
e burdura izdraie chak telal,
e joli e Devleki chinosarda len.
9Katar leko nak likela thuv,
katar po mui chudela iag kai zatrila sa,
ta cherda te phabon e angara.
10Fulada o miloso po dopas ta fulisto.
Telal katar leke porrne sea bare oblakura kale.
11Likisto pe iek kerubin ta furiao
ta llala upral pe pakha e balaviake.#Sal 68.33; Sal 80.1; 104.3.
12Ta gurudilo ando
truniariko maskar e oblakura kai sea pherde pai
kai ucharena le sa.
13Iag kai klichil likela letar,
ta likiste krupe ta angara phabarde.
14O Del o Baro,
cherda te asundol katar o miloso o germipe katar leko avazi.
15Chudia llide ta cherda te nasen leke dusmanura,
Chudia esterliche ta zatrisarda len.
16Dikhili e phuv kai si ande mora
e phuv achili puchardi,
pala o avazi e Devleko kai daravel,
ta pala e bari balav kai phurdia vou.#Ek 15.8; 19.19.
17O Del inzarda mange po va chak upral,
pe vastea ikanda man katar e mora e bari.
18Braduisarda man katar e dusmanura e zurale,
kai murzina pe mande ta sea mai zurale neko me.
19Die pe mande kana sema ande nuzda,
a o Del pomozisarda man.
20Ikanda man ando mukliardipe,
braduisarda man soke volil man.
21O Del dia man mo chari,
soke sema chacho,
soke me llelem orta po drom e Devleko.
22Me kandav sa leke zakonura,
nikada ni muklem pe iek rig leke zakonura.
23Angla ma si sa leke zakonura
ta nikada ni durilem lendar.
24Nikada ni cherdem angla le ni iek bilachipe,
durilem katar o bilachipe.
25O Del dia man mo chari,
soke ni cherav o bilachipe angla le.
26Tu Devla san lacho golea kai si lacho,
ta san orta golea kai si orta.
27San chacho golea kai si chacho,
ta bizai golea kai si llanglo.
28Tu bradui e llenen kai inai barikane,
a muke ando lallao golen kai istardon.
29Tu Devla de man villelo.
Mo Del kai san o villelo ande mo truniariko.
30Tu ka pomozi man
te dobiv me dusmanonen,
ta te nakhav upral pe lenge zidura.
31E Devleko drom si chacho
uzdi amen ande sovlia kai jala o Del.
O Del si o eskudo sa golenge kai si len vera ande lete.
32Samo tu san o Del,
¿Savi aver pechina si amen?#Is 44.8.
33O Del si kai del man zor
ta ortol mo drom.
34Vou cherel man lokho sargo iek bakrorro,
ta kana sem upre ni mukel man te perav.#Jab 3.19.
35Vou sikavel man sar te marav man,
del man zor te bangarav e arkura tuchne me vastenchar.
36Tu dian man o eskudo katar cho braduipe,
cho volipe cherda man te avav baro.
37Cherdan te avel lokho mo drom
ta te na eskonban me porrne.
38Llelem pala me dusmanura ta reslem len,
ta ni irisailem lligo ni zatrisardem len.
39Sa phaglem len. Ni ka usten ios,
peletar tala me porrne.
40Tu dian man zor kana marava man,
cherdan te den changa angla ma me dusmanura.
41Cherdan te nasen angla ma me dusmanura,
ta gia sai zatrisardem golen kai murzina pe ma.
42Mangena te pomozil len vareko, a niko ni pomozisarda len.
Ikharena e Devle ta ni dia lenge anglal.
43Drobou len sargo o prajo kai inllarel e balav,
ustadem len sargo o glibo kai si po drom.
44Kurtulisardan man katar iek foro kai ni kandela.
Cherdan man gazda katar e phuvia,
cherdan te radin mange llene kai ni pinllarava.
45Samo asunen mo avazi, kanden man.
E llene katar aver phuvia blagosin man.
46E llene katar aver phuvia daran,
izdran ta liken kotar katar sea gurudine.
47¡Blagosime te avel o Del! ¡Blagosime te avel gua kai arakhel man!
¡Blagosime te avel o Del kai braduil man!
48Tu kurtuli man katar me dusmanura
ta thove e phuvien tala me porrne.
49Vou kurtulil man katar me dusmanura,
ta thovel man upral pe llene kai vazdiniaon pe ma.
Tu Devla bradui man katar e llene silne.
50Goleke blagosiv tut maskar e phuvia
ta llilabav llilia chuke.#Ro 15.9.
51Chere te dobil but droma o charo kai esvirisardan.
Suako drom sikave kai voli e Davide ta leke porodo.
Currently Selected:
2 Samuel 22: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
