2 Samuel 21
21
E joli katar e gabaonitura
1Ande llivesa katar o David saia bok. Ta o David puchla e Devle soke saia e bok trin burs.
Ta o Del phenda leke:
Cheres o Saul ta leki familia kai mundarde e gabaonitonen.
2E gabaonitura ni sea katar o foro e Israeleko, von sea katar e amorreura kai e israelitura jalea lenge sovel, a o Saul mangla te mundarel len pala e chave katar o Israel ta o Juda.#Jos 9.3-15. 3Ondaka o David ikharda e gabaonitonen ta puchla len:
¿So sai cherav pala tumende? ¿Sar ka lelpe tumendar e joli te sai blagosin e foro Devleko?
4A e gabaonitura phende leke:
Inai pala e love kai amen sam joliarike po Saul ta pe leki familia, ta ni manga te merel niko ando Israel.
Ta o David phenda lenge:
Phenen mange so mangen te cherav pala tumende.
5Ta von phende e charoke:
Katar o lleno kai mangla te zatril amen ta te na achel niso amendar ande phuv katar o Israel, 6de amen efta murusa katar leke chave te umblava len angla o Del ando Gabaa katar o Saul, o esvirime e Devletar.
Ta o charo phenda lenge.
Ka dav len tumenge.
7Ta o charo prostisarda e Mefi Bosete, o chavo e Jonataneko, unuko e Sauleko, pala e sovel kai jala vou ta o Jonatan.#1 S 20.15-17; 2 S 9.1-7. 8A o charo lia duie chaven katar e Rizpa e chorri e Ajaeki kai avila la e Saulea, von ikhardona Armoni ta Mefi Boset. Ta lia panch chaven katar e Mikal chorri e Sauleki, kai avila la e Adrielea chavo katar o Barzilai mejolita,#1 S 18.19. 9ta dia len ande va katar e gabaonitura, ta e gabaonitura umblade len po burdo angla o Del. Gia mule gala efta ande purve llivesa kana chiden e sebada.
10Ondaka e Rizpa lia chito zalosno ta inzarda le peke upral pe iek pechina. Sar kana chidena e simiche llik kana diapeke, ni mukla te aven chiriklia pe mule ollivesea, ta ni orachaia te aven zivirinie.
11Ta phende e Davideke so cherela e Rizpa, e chorri e Ajaki, e konkubina e Sauleki. 12Ondaka o David llelo ta lia e kokala katar o Saul ta o Jonatan kai sea ando Jabes katar o Galaad. E llene katar o Jabes chorde e esnaga katar o Saul ta katar o Jonatan ando Bet San kai saia o foro kai e filisteura mundardea len kana dobisarde e Saule ando Gilboa,#1 S 31.8-13. 13ta cherda te anen kotar e kokala katar o Saul ta o Jonatan ta thoda len pasa e kokala katar e llene kai mulea umblade. 14Ta prajosarde e kokala katar o Saul ta o Jonatan ande phuv katar o Benjamin ando Zela, ande pe dadeko limori kai si ando Kis. Sa cherde le sar phendaia le o charo. Mapalal o Del asunda e foro, ta cherda lenge o lachipe.
O Abisai braduil o zivoto katar o David
15Pale e filisteura mardepe e Israelea, ta o David likisto pe slugenchar te marelpe e filisteonenchar, a o David chinilo. 16Ta o Isbi Benob, iek katar e llene kai sea but bare manusa kai leki lansa phariavela tranda kile ta inllarela iek jarni nevo, mangla te mundarel e Davide. 17A o Abisai chavo katar o Seruia llelo te pomozil e Davide, ranisarda e filisteo ta mundarda le. Ondaka e boñikura katar o David jale sovel kai nikada ios o David ni ka likel lenchar po maripe, te na mundardol e lampara katar o Israel.
O maripe e llenenchar kai sea but bare
1 Kr 20.4-8
18Pale saia aver maripe e filisteonenchar ande Gob. Ondaka o Sibekai jusatita mundarda e Safe kai saia katar e llene but bare. 19Ta ande aver maripe e filisteonenchar ando Gob, o Eljanan chavo e Jareko Oregineko katar o Belen, mundarda e Goliate katar o Gat, kai leko jarni saia sargo kas kai ulin pe lete o chiti.
20Ando Gat saia aver maripe, kote saia iek manus kai sea le desudui naia pe va, ta desudui naia pe porrne, bis ta star sea sa leke naia. I vou saia chavo katar e llene kai sea but bare manusa. 21Vou ikharda e Israele te marelpe lea, ta mundarda le o Jonatan chavo katar o Simea, phlal e Davideko. 22Gala star murusa sea katar e vicha katar e but bare manusa ando Gat, ta mundarde len o David ta leke sluge.
Currently Selected:
2 Samuel 21: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
