2 Samuel 15
15
O Absalon vazdiniaol po David
1Mapalal katar gala ezgode, o Absalon cherda bordona marimake, anda gra ta pinda boñikura te prasten angla le. 2Ta suako llive o Absalon ustela rano, ta thovelape po drom pasa o udar e foroko, ta suako lleno kai saia thodo pe kris ta avela kai o charo, o Absalon ikharela le ta phenela leke:
¿Katar savo foro san? Ta o lleno te phenela leke:
Cho sluga si katar iek vicha e Israeleki, 3ondaka o Absalon phenela leke:
Che alava si chachune, a niko inai maskar e llene e charoke te asunel tut. 4Ta i phenela leke o Absalon:
¡Daboida te avav me o krisari katar e phuv, te aven mande sa e llenen kai cheren lenge bilachipe, te sai chinav lenge e kris orta! 5Ta kana fiko avela lete ta dela changa angla le, vou istarela leko va ta chumidela le. 6Gia cherela o Absalon sa e llenenchar katar o Israel kai avena kai o charo pe kris, ta gia vou cherela te perel drago e israelenge.
7Kana nakhle star burs, o Absalon phenda e charoke:
Muk man te llav ando Jebron te dav e Devle me ezgode dine.
8Soke me, cho sluga, kana sema ando Gesur ande phuv katar e Siria, jalem sovel e Devleke kai kana ka iril man ando Jerusalem, me ka radiv leke.
9Ta o charo phenda leke:
Lla esmiro.
Ta o Absalon llelotar ando Jebron. 10Ondaka o Absalon bichalda llenen pe suako vicha katar o Israel, te phenen gia:
Kana ka asunen e tuturuga tumen ka phenen ¡O Absalon charoil ando Jebron! 11Ta o Absalon ikharda dui stotine llenen katar o Jerusalem te llan lea, a von llele lachimaia ande po lio ta ni llanena niso so llalape. 12Ta kana o Absalon dela kurbanura, ikharda e Ajitofele katar o Gilo, kai sikavela e Davide so te cherel. Ta gia o Absalon zuriaola ta but llene llana pala le.
O David nasel katar o Jerusalem
13Ta iek lleno avilo kai o David te phenel leke kai sa e israelitura llana pala o Absalon. 14Ondaka o David phenda pe slugenge kai sea lea ando Jerusalem:
¡Morabi te nasa isto akana katar o Absalon! ¡Sigaren, kai vou sai resel amen ta ka mundarel amen, ta ka zatril e foro!
15Ta e sluge e charoke phende leke:
Amen ka chera pe chiro, glamno charo.
16Ondaka o charo likisto, ta lea likista sa leki familia. Ta o charo mukla des konkubine te arakhen o cher. 17Ta o charo likisto peske ta sa o foro lea, ta achile kai o cher kai saia mai dur katar o foro. 18Ta sa leke sluge nakhena pasa le, sa e kereteura, e peleteura, ta sa e geteura, sov stotine llene avile pirindo katar o Gat, ta llana angla o charo. 19Ta o charo phenda e Itaieke katar o Gat:
¿Soke i tu avilan amenchar? Irisao ta achi e charoia. Tu ni san katar o Israel, ta i san tradino katar chi phuv. 20Arachi avilan, ¿sar ka cherav te ave amenchar, kana ni me ni llanav kai ka llav? Irisao, ta phen che phlalenge te irinpe, ta o Del te blagosil tut.
21Ta o Itai phenda e charoke:
Ando anav e Devleko, jav chuke sovel mo glamno charo, i te merava, kaigo te lla tu, i me ka llav.
22Ondaka o David phenda e Itaieke:
Aide, nak karinga.
Ta o Itai geteo nakhlo, ta sa leke sluge, ta sa leki familia. 23Ta sa o foro rovda bare avazea. Mapalal nakhle o pai kai ikharena le o Sedron. Ta i o charo nakhlo, ta sa o foro llelo po drom kai llal po pusto. 24Ta i llala o Sadok, ta lea llana sa e levitura kai inllarena e arka e Devleki. Ta thode e arka e Devleki pasa o Abiatar lligo ni likiste sa e llene katar o foro. 25A o charo phenda e Sadokeke:
Irisar e arka e Devleki ando foro. Te mangela o Del, ka cherel te avav pale ta ka mukel man te dikhav leki arka ta leko cher.
26A o Del te phenela kai ni sem leke drago, te cherdol leki volia manchar.
27Ta i o charo phenda e Sadokeke:
¿Ni san tu gua kai dikhel so ka avelpe? tu ta o Abiatar irin tumen ando foro tumare duie chavenchar. Tu ta cho chavo o Ajimaas ta o Abiatar pe chavea o Jonatan. 28Me ka achav ande umalia katar o pusto lligo ni ka llanav fiso tumendar.
29Ondaka o Sadok ta o Abiatar irisarde e arka e Devleki ando Jerusalem, ta von achile kote. 30Ta o David likisto po burdo e Maslinkengo. Ta llala rovindo, uchardo leko soro ta porrnango. Ta i o foro kai llala lea ucharde pe sore, ta rovena kana likena po burdo. 31Ta phende e Davideke kai o Ajitofel saia maskar e llene kai vazdinaile e Absalonea. Ta o David mangla e Devletar, ta phenda:
Devla, cher te na llal leke sukar pe ezgode kai cherel o Ajitofel.#2 S 17.14.
32Kana o David avilo upral po burdo te blagosil e Devle, o Jusai arkita malada le po drom, ta leke patave sea sa pharrade ta pe leko soro saia chik. 33Ta o David phenda leke:
Te llaia manchar, ka ave mange iek pharipe, 34a te iri tut ando Jerusalem, ta te phenea e Absaloneke:
Me ka avav cho sluga isto gia sar sema sluga che dadeko, ondaka tu ka pomozi man te perel o Ajitofel, 35soke kote ka aven o Sadok ta o Abiatar. Sa so ka asune ando cher e charoko ka phene le e poponenge o Sadok ta o Abiatar. 36Lenge chave o Ajimaas e Sadoko, ta o Jonatan e Abiatareko si lenchar. Sa so ka llane phen le lenge te sai von phenel le mange.
37Gia o Jusai, o amal e Davideko avilo ando foro, ta o Absalon avilo ando Jerusalem.
Currently Selected:
2 Samuel 15: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
