2 Samuel 11
11
O David ta e Betsabe
1Kana nakhla burs llive ta saia o vreme kana e charura llana po maripe, o David bichalda e Joabe, e slugen, ta saurren katar o Israel te marenpe e amonitonenchar. Ta dobisarde len ta thodepe truial katar o foro o Raba. A o David achilo ando Jerusalem.#1 Kr 20.1.
2Iek llive kana perela o kham, o David likisto katar pi soba ta phirela upral po cher#11.2 Ando vreme katar o David upral pe chera saia len iek than kai sai phirena.. Ta dikhla kotar iekhe diskinia but sukar kai naiola. 3Ondaka o David bichalda te puchen latar, ta phende leke:
Goia diskinia si e Betsabe chorri e Eliameki, rromi e Uriaseki o jitita. 4Ta o David bichalda llenen te anen la, ta voi avili lete ta vou sovto laia. Mapalal voi chistosaili katar po pokalipe, ta irisaili kai po cher.
5Ta voi achili khamni, ta bichalda llenen te phenen le e Davideke. 6Ondaka o David bichalda te phenen e Joabeke te anel e Uriase o jitita. Ta o Joab bichalda e Uriase kai o David. 7Kana o Urias avilo, o David puchla le sar saia o Joab, puchla le katar o foro ta sar llala o maripe. 8Mapalal o David phenda e Uriaseke:
Lla kai cho cher ta jalav che porrne. Ta kana o Urias likisto katar o cher e charoko ande leke jape katar e sinia e charoki.
9A o Urias thodape te sovel po udar katar o cher e charoko e slugenchar e gazdake, ta ni llelo kai po cher. 10Ta phende e Davideke kai o Urias ni llelo kai po cher, ta o David puchla le:
¿Ni avilam duratar? ¿Soke ni llelan kai cho cher?
11Ta o Urias phenda e Davideke:
E arka e Devleki, o Israel ta o Juda si ande chare ta mo gazda o Joab ta leke sluge si ando vos ¿A me sai llava kai mo cher te jav, te piav ta te sovav me rromiaia? Dur mandar te cherav gaia ezgoda.
12Ta o David phenda e Uriaseke:
Achi kate allive, thiara ka Bichalav tut pale po maripe.
Ta o Urias achilo ando Jerusalem llik thiarinako.
13Ta o David ikharda le te jal ta te piel lligo ni matarda le. Ta orachaia o Urias likisto ta llelo te sovel e slugenchar e gazdake, ta ni llelo kai po cher.
14Thiarinako o David pisisarda iek lil e Joabeke, ta bichalda le e Uriasea. 15Ta ando lil phenela: Thou e Uriase chak anglal kote kai o maripe si mai baro. Muken le korkorre te ranisaren le ta te merel.
16Gia kana o Joab thodape truial katar o foro te del pe lete, thoda e Uriase pe rig kai sea e boñikura mai tromane, 17ta likiste e boñikura katar o foro ta mardepe e Joabea, ta nesave katar e sluge e Davideke mule, ta i mulo o Urias jeteo.
18Ondaka o Joab bichalda iekhe llene e Davideke sar llala o maripe. 19Ta phenda e lleneke gia:
Kana ka phene e charoke sar llal o maripe, 20te joliaola ta te phenela chuke: ¿Soke sena gia pase katar o foro te marenpe? ¿Ni llanen so chuden von katar o zido? 21¿Ko ranisarda e Abimeleke chavo katar o Jerobaal? ¿Ni saia kai iek diskinia chudia iek kotor barr kai moren o lliu, ta mulo ando Tebes? ¿Soke sena gia pase katar o zido? Ondaka tu ka phene leke gia:
Cho sluga o Urias jeteo, i vou mulo.
22O lleno llelo kai o David, ta phenda leke sa so phenda o Joab.#Jue 9.53.
23Ta phenda gia e Davideke:
E boñikura kai likiste ando vos te marenpe amenchar dobina amen. Mapalal amen cherdam len te irinpe llik kai o udar e foroko, 24ta katar o zido chudie llide ande che sluge, ta nesave katar che sluge mule, ta i mulo cho sluga o Urias o jeteo.
25Ta o David phenda e lleneke:
Phen e Joabeke te na daral, soke gia si o maripe. A tu de le zor ta phen leke te del po foro mai zurale lligo ni ka zatril le.
26Kana e rromi e Uriaseki llangla kai lako rrom mulo, rovda pala le. 27Ta kana nakhle e llivesa zalosne, o David anda la kai po cher, cherda la pi rromi ta maladila lake iek minono. A so cherda o David ni pela drago e Devleke.
Currently Selected:
2 Samuel 11: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
