2 Kronikas 7
7
1Kana o Salomon getosarda te molilpe, peli iag e milosotar ta phabarda o kurbano ta e ezgode dine, ta o baripe e Devleko pherda o cher.#Lv 9.23-24. 2Goleke e popura nasti dena andre, soke o baripe e Devleko pherdaia o cher. 3Kana e israelitura dikhle e iag kai perela e milosotar ta o baripe e Devleko po cher, die changenchar e chikatea pe phuv ta blagosisarde e Devle, ta phenena:
O Del si lacho, ta leko volipe si ostade.#1 Kr 16.34; 2 Kr 5.13; Esd 3.11; Sal 100.5; 106.1; 107.1; 118.1; 136.1; Jer 33.11.
4Mapalal o charo ta sa o foro e Israeleko, die kurbanura e Devle. 5Ta o Salomon dia kurbanura e Devle bis ta dui milie guruva, ta stotina ta bis milie bakre. Ta gia si sar o charo ta sa o foro chinade o cher e Devleke.
6E popura sea pe po than kai radina, ta i e levitura e basaldenchar e Devleke kai o charo cherdaia te sai blagosin e lliliaia kai phenel:
Soke ostade si leko volipe kana o David llilabela lenchar. Ta e popura basalena e tuturuge angla lende, ta sa o Israel saia pe porrne.
7O Salomon chinada e Devleke o than kai saia po maskaral katar e bar kai saia angla o cher e Devleko, soke kote dia e kurbanura phabarde ta o thulipe katar e kurbanura pala e pas. Soke ando altar tuchno kai cherdaia o Salomon ni resena e kurbanura phabarde, e ofrende dine ta o thulipe katar e kurbanura.
8Ondaka o Salomon ta sa o foro e Israeleko, but baro sueto, katar o Jamat llik kai e lenorri katar o Ejipto, cherde e slava efta llive. 9Ta pala e ojto llive chidinailo o foro, soke ande efta llive cherdea slava te sai den o altar e Devle, ta i soke cherdea e slava efta llivesa ios. 10Ando llive bis ta trin katar o eftato chon, o charo bichalda pe foro te llantar kai pe chera. Ta lleletar veselimaia, pala e bare ezgode kai o Del cherdaia e Davideke, e Salomonoke ta pe foroke e Israeleke.
O Del achel po alav e Salomonea
1 R 9.1-9
11O Salomon getosarda te vazdel o cher e Devleko ta o cher katar e charoina. Ta sogo thodape te cherel ando cher e Devleko ta ande po cher, llala leke sukar. 12Ondaka o Del sikadilo e Salomonoke orachaia, ta phenda leke:
Me asundem cho molipe ta esvirisardem mange gava than te cheren ande le e kurbanura. 13Ta phandava o miloso te na del peke, o te bichalava e langoste te zatrin e umalia, o te bichalava iek muka pe mo foro, 14ta mo foro kai blagosil mo anav te keilape, te molinape ta te mukena o bilachipe kai cheren, me ka asunav len ta ka prostiv lengo bilachipe, ta ka sastarav lengi phuv. 15Katar angle ka dikhav ta ka asunav suako molipe kai ka cheren pe gava than, 16soke esvirisardem ta thodem gava cher te avel ande le ostade mo anav. Me akha ta mo lio ka aven sa o vreme kote. 17A tu te llaia angla ma sargo o David cho dad, ta cherea sa e ezgode kai phendem te chere, ta guruvea me zakonura ta me alava, 18me ka cherav te avel ostade cho trono ando Israel, gia sar achilem po alav e Davidea cho dad, kana phendem leke kai suako drom ka avel iek murus te charoil ando Israel.#2 S 7.11-16; 1 R 2.4. 19A tumen te duriona mandar, ta te na guruvena me zakonura kai diem tumen, ta te blagosina avere delen, 20ka tradav tumen katar e phuv kai diem tumen, ta gava cher kai thodem te blagosin mo anav, ka chudav le mandar ta ka cherav te maren espurnia letar sa e phuvia. 21Ta gava cher kai si gia sukar ta glamno, suako lleno kai ka nakhel pasa le, ka chudilpe ta ka phenel:
¿Soke o Del cherda gia gale phuviaia ta gale cherea? 22Ta ka phenen leke:
Soke mukle e Devle kai ikanda lenge puranen katar o Ejipto, ta blagosisarde avere delen ta radisarde lenge, goleke o Del zatrisarda len.
Currently Selected:
2 Kronikas 7: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
