2 Kronikas 8
8
Aver ezgode kai cherda o Salomon
1 R 9.10-28
1Kana ande bis burs o Salomon vazdia o cher e Devleko ta piro cher, 2o Salomon vazdia pale e forura kai diaia le o Jiram, ta thoda te zivin ande lende e israelitonen.
3Mapalal o Salomon avilo ando foro o Jamat katar o Soba, ta lia le peke. 4Ta vazdia po pusto o foro o Tadmor, ta ando Jamat vazdia e forura te sai guruven o jape. 5Ondaka o Salomon vazdia pale o Bet Jolon ka si upre ta o Bet Jolon kai si tele. Forura zidome kai si len udara ta alkave. 6Ta vazdia o foro o Baalat, ta sa e forura kai guruvena o jape. Ta i vazdia e forura kai guruvena e bordona marimake ta e llenen kai llan pe gra. O Salomon vazdia sa so mangla te vazdel ando Jerusalem, ando Libano ta ande sa e phuv kai vou gazdarila. 7Ta e llenen katar e forura kai ni sea israelitura, e jititura, e amorreura, e ferezeura, e jivitura ta e jebuseura, 8lenge chaven kai achile ande phuv mapalal lendar ta kai e israelitura ni zatrisarde len, o Salomon thoda len te radin pe zor, sar si llik akana. 9A e israelen o Salomon ni thoda len te radin sargo sluge, soke von sea boñikura, gazda, kapitanura, gazda katar e kapitanura ta katar e llene kai llan pe bordona ta pe gra. 10Ta e gazda kai o charo o Salomon thoda te dikhen o rado kana vazdena e chera, sea dui stotine ta pinda.
11Ondaka o Salomon anda e chorra e Faraonoki ando cher kai vou vazdiaia lake ando foro e Davideko, o charo katar o Israel. Soke mislisailo:
Mi rromi nasti avel ande sobe kai si e arka katar o Del o Gazda, soke si chinade e Devleke.
12O Salomon dela kurbanura phabarde po altar kai vazdiaia e Devleke angla o udar e chereko, 13ande llivesa prema sar phenela le o zakono e Moiseseko, ande llivesa sabado, ande mesechina, ta ande trin slave katar suako burs kai si e slava katar e marrne kai inai len levadura, e slava katar e efta llivesa, ta e slava katar e cherorra patrenge.#Ek 23.14-17; 34.22-23; Nm 28.9-10,11-15,16—29.39; Dt 16.16.
14Ta thoda o vreme katar e popura kana saia te radin, sar phenda o David leko dad. Ta e levitonen dia len thana te blagosin e Devle ta te pomozin e poponen ande so trubula len suako llive. Ta o vreme katar e llene kai arakhena e udara suako iek pe po than prema o alav e Davideko, manus e Devleko. 15Ta kandie o alav e charoko o David ande so phendaia katar e popura, e levitura ta o barvalipe. 16Ta cherdilo sa so saia te cherel o Salomon, sar kana thode e barra kai llan telal katar o cher e Devleko lligo ni getosarde sa o rado. O cher e Devleko achilo sa cherdo.
17Ondaka o Salomon llelo ando Ezion Geber ta ando Elat kai si pasa e mora, ande phuv katar o Edom. 18O Jiram bichalda llimie kai ande len leke sluge ta e llene kai pinllarena o rado e morako, te llan e slugenchar katar o Salomon, ando Ofir. Kotar lie desupanch milie kile sunakai ta ande len kai o charo o Salomon.
Currently Selected:
2 Kronikas 8: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
