2 Kronikas 35
35
O Josias thovel e sinia e paskuaki
2 R 23.21-33
1Kana saia o desustarto llive katar o purvo chon, o Josias thoda e Devleke sinia e paskuaki ando Jerusalem.#Ek 12.1-13,21-27; Lv 23.5-8; Nm 28.16; Dt 16.1-8. 2Thoda e poponen pe po than, ta thoda len te radin e Devleke. 3E levitonenge kai sikavena sa e israelitonen ta kai samo radina e Devleke, phenda lenge gia: Tumen ni ka inllaren pale e arka santa. Thoven la ando cher e Devleko kai vazdia o Salomon chavo e Davideko, charo katar o Israel, ta radin e Gazdake tumaro Del, ta e foroke. 4Lacharen tumen te radin prema o vreme kai fulade e familienge katar tumare dada, gia sar phenda le o David ta leko chavo o Salomon.#2 Kr 8.14. 5Achen ando santuario, prema e familie katar tumare phlal, e chave e foroke, ta prema sar si fulado e familiake katar e levitura. 6Ta cheren o kurbano katar e paskua, ta kana ka aven sante, lacharen tumare phlalen te cheren so phenda o Del, sar phendaia e Moiseseke.
7Ta o charo o Josias dia e foro tranda milie bakria, bakre, busnorre ta trin milie guruva te sai cheren e paskua. 8Ta leke sluge die but ezgode e foro ta e poponen te sai cheren e Paskua. O Jilkias, o Zakarias ta o Iejiel kai gazdarina ando cher e Devleko, die e poponen dui milie ta sov stotine bakria ta trin stotine guruva. 9Ta o Konanias ta leke phlal o Semaias, o Natanael, o Jasabias, o Iegiel ta o Josabad, kai sea gazda katar e levitura, die e levitonen panch milie bakria ta panch stotine guruva te sai cheren o kurbano katar e paskua.
10Ta lacharde o rado. E popura thodepe pe po than, ta e levitura prema lengo vreme, sar phenel le o zakono. 11Kana blagosina e paskua, e popura thovena po altar o rat kai dena lende e levitura, ta e levitura ikanena e mozga katar e zivirinie. 12Mapalal ikanena o koi kai saia te phabaren le prema o vreme katar e familie foroke, te sai den le e Devleke, sar phenela le ando lil e Moiseko, ta isto gia cherde e telchonenchar. 13Mapalal pekle pe iag o kurbano prema o alav, a so diea kurbano chiradele ande kavie ta fuladele oma e foroke.#Ek 12.8-9. 14Mapalal cherde so perela len ta e poponen, soke e popura, o porodo e Aaroneko, radisarde sorro o riat ande kurbanura phabarde ta e khoi. Goleke e levitura cherdelen peke ta e poponenge, chave e Aaronoke.
15E llene kai llilabena, kai sea chave katar o Asaf, sea pe po than prema o alav e Davideko, e Asafeko e Emaneko ta e Jedutuneko o profeta e charoko. Ta e llene kai arakhena e udara sea pe po than, ta e levitura pomozina len te na muken lengo rado.#1 Kr 25.1.
16Gia, gua llive lacharde o rado e Devleke te sai cheren e paskua ta te cheren e kurbanura phabarde po altar e Gazdako, prema o alav e charoko o Josias. 17Ta ande efta llive, e israelitura kai sea kote cherde e paskua ta e glamni slava katar e marrne kai inai len levadura.#Ek 12.1-20. 18Nikada ni cherde e paskua ando Israel sargo gaia sar kana saia o profeta o Samuel. Ni iek charo ni cherda iek paskua sar cherda la o charo o Josias e poponenchar ta e levitonenchar, ta sa o Juda ta o Israel, e llenenchar kai sea kote, ta e foroia katar o Jerusalem. 19Kana nakhle desojto burs sar kana o Josias thodape te charoil, cherde e slava katar e paskua ando Jerusalem.
O meripe katar o Josias
2 R 23.28-30
20Mapalal kana o Josias lacharda o cher e Devleko, o charo katar o Ejipto o Faraon Nekao llelo po pai katar o Eufrates te marelpe ando Karkemis. Ta likisto o Josias te marelpe lea, 21a o Nekao bichalda llenen te phenel leke:
Muk man charo e Judaeko. Me ni avilem te marav man tuia, me avilem te marav man iekhe phuviaia kai mangel te marelpe manchar. O Del phenda mange te sigarav, goleke muk man, soke llanav kai o Del si manchar, te sai zatril tut.
22A o Josias ni thoda sama ande alava katar o Nekao, kai avena e Devletar. Ta o Josias thoda aver patave te na pinllaren le, ta gia te marelpe lea ando Megido. 23Ta sar e boñikura chudena llide ando Josias, vou phenda pe slugenge:
Ikanen man katar kai sem ranime. 24Ta e sluge ikande le katar o bordon te sai inllaren le ando Jerusalem, ta kote mulo. Ta prajosarde e Josiase ando limori katar leke dada, ta sa o Juda ta o Jerusalem rovde pala le. 25O profeta o Jeremias ikanda iek llili katar o meripe e Josiaseko, ta goia llili si ando lil katar o roipe. Ta llik akana e llene kai llilaben, chitin le pala o Josias. Ta akana suako drom ando Israel morabi te chitin goia llili.#Jer 1.1-2; 3.6; 22.10-15.
26Sa e ezgode kai cherda o Josias, leke lache ezgode kai cherda prema o zakono e Devleko, 27e purve ta e ezgode kai cherda mapalal, si pisime ando lil katar e charura katar o Israel ta o Juda.
Currently Selected:
2 Kronikas 35: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
