2 Kronikas 36
36
O charo o Joakaz
2 R 23.31-35
1Mapalal o foro thode te charoil e Joakaze, chavo katar o Josias. Ta thode le charo pe leke dadeko than, ando Jerusalem. 2Kana o Joakaz thodape te charoil sea leke bis ta trin burs. Charoisarda ando Jerusalem trin chon, 3soke o Faraon katar o Ejipto chudia le katar o trono ando Jerusalem. Ta pe zor cherda te pochinel o foro trin milie ta trin stotine kile rup ta tranda ta trin kile sunakai. 4Ta o charo katar o Ejipto thoda te charoil e Eliakime o phlal katar o Joakaz. Ta pharruda o anav katar o Eliakim ta ikharda le Joakim. Ta e Joakaze inllarda le phanglo ando Ejipto ta kote mulo.#Jer 22.10-12.
O charo o Joakim
2 R 23.36—24.7
5Kana o Joakim thodape te charoil sea leke bis ta panch burs. Charoisarda ando Jerusalem desuiek burs. Ta cherda o bilachipe angla o Gazda leko Del.#Jer 22.18-19; 26.1-6; 35.1-19. 6O charo katar e Babilonia o Nabukodonosor dia po Joakim ta lanchonenchar inllarda le phanglo ande Babilonia#Jer 25.1-38; 36.1-32; 45.1-5. 7O Nabukodonosor inllarda peke e ezgode katar o cher e Devleko. Ta e love e chereko thoda len ando katar e dela kai saia le ande Babilonia.
8Sa e ezgode gado kai cherda o Joakim si pisime ando lil katar e charura katar o Israel ta o Juda. Pe leko than charoisarda o Joakin, kai saia leko chavo.
E Joakine inllaren le phanglo ande Babilonia
2 R 24.8-17
9Kana o Joakin thodape te charoil sea leke ojto burs. Charoisarda ando Jerusalem trin chon ta des llive. Ta cherda o bilachipe angla o Del, 10goleke burs llive mapalal, o charo o Nabukodonosor phenda te inllaren e Joakine phanglo ande Babilonia ta te inllaren e ezgode mai sukar katar o cher e Devleko. Ta thoda te charoil ando Jerusalem e Sedekiase o phlal katar o Joakin.#Jer 22.24-30; 24.1-10; 29.1-2; 37.1; Ez 17.13.
O charo o Sedekias
11Kana o Sedekias thodape te charoil sea leke bis ta iek burs. Charoisarda desuiek burs ando Jerusalem.#2 R 24.18-20; Jer 27.1-22; 28.1-17; 52.1-3. 12A o Sedekias cherda o bilachipe angla e akha e Devleke, ta ni keisailo angla o profeta o Jeremias kana dela leke orba ando anav e Devleko.#Jer 37—39. 13Ta i vazdinailo po Nabukodonosor, kana achiloia pe orba te radil leke. Ta ni kamla te irilpe kai o Gazda o Del e Israeleko.#Ez 17.15.
14Ta i e gazda e poponenge cherdile bilache. Cherde e ezgode bilache kai cherenalen ande aver phuvia, ta meliarde o cher e Devleko kai saia dino leke ando Jerusalem. 15O Gazda ta Del bichalda suako drom profetanen te phenen lenge leke alava, soke volila pe foro ta e phuv kote kai zivila. 16A von marena espurnia lkatar e llene kai vou bichalela ta ni thovena sama ande so von phenea lenge. Mapalal o Del jolailo pe po foro ta ni sai sar te lachardol goia ezgoda.
O cher e Devleko zatrime ta o Juda inllardo phanglo
2 R 25.8-21; Jer 39.8-10; 52.12-30
17Ta o Del cherda te avel o charo katar e kaldeura, ta ando cher katar leke dela mundarda e churiaia e ternen, ta ni avila leke zao nikatar, ni katar e phure. O Del dialen saurren ande va e charoko.#Jer 21.1-10; 34.1-5. 18Ta o charo katar e Babilonia inllarda peke e ezgode katar o cher e Devleko, e ezgode bare ta e minone. Ta inllarda peke o barvalipe katar o cher e Devleko, ta katar o cher e charoko, ta katar e gazda kai radina leke. 19Ta i phabarde o cher e Devleko, perade e zidura katar o Jerusalem. Phabarde e chera bare ta zatrisarde suako ezgoda sukar.#1 R 9.8.
20Gola kai nasle te na mundaren len e churiaia, inllarde len phangle ande Babilonia, ta llik kana charoisarde e persura sea sluge e charoke ta leke chaveke, 21te sai cherdol so phendaia o Del katar o profeta o Jeremias. Gia e phuv achili te radil sa o vreme kana saia zatrime, lligo ni nakhle eftavardes burs, isto gia sar phendaia le o Del.#Jer 25.11; 29.10; Zak 1.12.
O alav katar o Siro
Esd 1.1-4
22A te cherdol so phendaia o Del e Jeremiaseke, ando purvo burs katar o charo o Siro katar e Persia, o Del cherda te phenel alav o Siro ande sa leki charoina, alavenchar ta e lilenchar gala alava: 23O Siro charo katar e Persia, phenel gia: O Del, o Gazda katar o miloso thoda ande me va sa e phuvia e suetoke, ta phenda mange alav te cherav leke iek cher ando Jerusalem, kai si ando Juda. Goleke te si vareko katar o foro e Gazdako, o Del te pomozil le te sai irilpe ando Jerusalem.
Currently Selected:
2 Kronikas 36: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
