2 Kronikas 31
31
1Kana getosarde te cheren e slava, e israelitura kai avilea llele ande forura e Judaeke ta zatrisarde e slike katar e Asera, ta phagle e thana vazdine ta e altarura katar sa o Juda ta katar o Benjamin, ta i katar o Efrain ta o Manases, lligo ni zatrisarde sa. Mapalal suako iek irisailo kai po cher.
2O Ezekias fulada o vreme e poponenge ta e levitonenge te sai den suako iek po kurbano ta po kurbano pala e pas. Te den fala e Devleke ta te blagosin le ande bar katar o cher e Devleko. 3O charo dia katar so saia leko te sai den kurbanura thiarinako ta pasa racha, ta te den e kurbanura katar e llivesa kai ni radin, e mesechina ta e glamne slave, sar si pisime ando zakono e Devleko.#Nm 28.1—29.39. 4Ta i phenda e foroke katar o Jerusalem te den so trubula e poponen ta e levitonen te sai von cheren sa so phenel ando zakono e Devleko. 5Kana gua alav asundilo pe suako rig, e israelitura ande but katar e purve simiche, mol, zeitino, aullin, ta katar sa e septelie e phuviake. Ta i ande o diesmo katar sa e ezgode.#Nm 18.12-13,21.
6Ta e israelitura ta e llene katar e forura e Judaeke ande o diesmo katar e guruva ta e bakre, ande len angla o Del, ta thode len ande umpe. 7Thodepe te cheren e umpe ando trito chon ta gotovisarde ando eftato chon. 8Kana o Ezekias ta e gazda dikhle e umpe, blagosisarde e Devle ta leke foro o Israel. 9O Ezekias puchla e poponen ta e levitonen katar e umpe, 10ta o mai baro popo o Azarias katar e familia e Sadokoki phenda leke:
Sar kana thodepe te anen so si dino ando cher e Devleko, amen jalam ta pherdilam, ta achilo but kai ni trubul amen, soke o Del blagosisarda pe foro. Sa gava si so achila.
11Ondaka o Ezekias phenda te lacharen than te guruven so si dino ando cher e Devleko, ta gia cherde le. 12Ta guruve sa e purve septelie, ta o diesmo katar sa e ezgode. O levita o Konanias dikhela sa o rado, ta leke phlale thode le te pomozil le. 13O charo Ezekias ta o Azarias kai saia gazda ando cher e Devleko, phende e Iejieleke, e Azaziaseke, e Najateke, e Asaeleke, e Jerimoteke, e Jozabadeke, e Elieleke, e Ismakiaseke, e Majateke, ta e Benaiaseke te radin e Konaniaseke ta leke phlaleke o Simei 14O levita o Kore chavo katar o Imna, kai arakhela o udar kai si pe rig kai likel o kham, saia te arakhel so saia dino e Devleke, te fulavel e ezgode dine e Gazdake ta te dikhel e ezgode mai sante. 15O Eden, o Miniamin, o Josue, o Semaias, o Amarias ta o Sekanias pomozina e Kore ande forura katar e popura te fulaven sukar maskar e phlal, purane ta terne. 16E murusenge kai sea lenge mai but katar e trin burs prema lenge viche, ta sa gola kai dena ando cher e Devleko te cheren po rado. 17E popura kai sea llinde prema lenge dadenge famile, ta e levitura kai sea lenge mai but katar e bis burs, prema lengo rado. 18Sea llinde sa lenge chaurrenchar, ta diskinienchar, sa e familie, soke pala lengo rado sea esvirime e Devleke 19Isto gia, e murusa kai sea thode te den so perela suakone popo, ta suakone llene kai sea katar o porodo katar e levitura, ta e poponen kai sea katar o porodo e Aaronoko kai zivina ande thana kai arakhena bakren.
20Gia cherda le o Ezekias ande sa o Juda. Ta cherda so saia lacho ta orta angla o Del. 21Ande sa so cherda pala o rado ando cher e Devleko, rodia e Devle sa pe liea, prema sar si pisime ando zakono, ta llela leke sukar.
Currently Selected:
2 Kronikas 31: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
